لا أستطيع تحمل إهماله وعدم نظافتة

انا باكتب لكم يمكن الاقي النصيحه الي تفيدني انا متجوزه ما يقارب علي السبع سنوات زوجي كانت به عيوب مرضيه يعني دائم استعمال المنديل وكمان عنده مشكله في سمعه مابيسمع كويس كان بيحبني حب جنوني وعنده استعداد للعلاج وده الي خلاني اوافق اتجوزه لكن بعد الجواز اصبح صعب جدا في استجابته لطلبي انه يتعالج وسلوكياته قمة الإهمال مش قادره اوصف مقرف ومهمل بشكل غير طبيعي معندوش اي معلومات عن النظافه الشخصيه ولا نظافة المكان الي بيعيش فيه حصلت بينا مشاكل كتير بسبب توجيهي ليه طبعا مش بيقبل التوجيه وبيتخانق معايا وانا اقعد لوحدي اعيط واندم عاليوم الي ارتبطت بيه فيه واقول يارب صبرني عشان اولادي مش عاوزاهم يتبهدلو وطلبت الطلاق اكتر من مره بس كان بيجي يصالحني ويترجاني مااتركه بس زهقت من كتر انتقادي ليه ولو سبته علي تصرفاته الحياه هتبقي مقرفه جدا والله كل الي مقعدني معاه هما اولادي بس انا ك بني ادم معتش قادره اتحمل أهماله وعدم نظافته دي افيدوني الله يصلح احوالي واحوالكم