ما قصد زوجي من هذه التصرفات ولماذا يعاملني هكذا؟

تعبت من زوجي ويئست انه يتعدل كلمته اكثر من مره في هالموضوع مشكلتي هي ان زوجي يخبي عني اشياء عاديه واشوف انها عادي انه يقولها لي مثل اخته انخطبت ووافقو وتم كل شيء وانتشر الخبر بين الناس وانا ياغافلين لكم الله كنت في جمعة حريم وواحدة سئلتني انصدمت كان صاعقة ضربتني قلت ما دري كلهم كذبوني يقولون اني امثل اني ما اعرف رحت له وكلمته قلت ليش تسوي كذا ليش ما قلت لي والموضوع مو سر عشان يتخبى المهم ذي عذرته وعديتها امه مرضت قبل شهر وسافرت عند اخوانه في منطقة ثانيه وهو يزورها ويرجع اذا جاء يقول ان شاء الله بخيروكل ما سئلته قال نفس الكلمه ونفس الشيء رحت عند اهلي الا وانصدم ان امه كانت مره تعبانه وسوو لها عمليه واشياء ثانيه وانا اخر من يعلم ومو شيء يتخبى عشان ما يقولي وطلع الخبر منتشر وانا ما ادري انقهرت وبكيت ايش قصده من هالتصرف ابي افهم ليش يخبي عني وهو الشيء الكل يعرفه انا زوجته ليش يسوي فيني كذا ادري بتقولون شيء تافه بس انا انجرحت اذا امور تافهه مثل ذي ما يعلمني معناه ما يثق فيني .....سؤالي للرجال ليش زوجي يسوي كذا وش قصده ؟؟؟؟؟؟؟؟؟