علاقاتنا الزوجية وصلت لمرحلة البرود وأنا أفكر في الطلاق

السلام عليكم حابه اطرح مشكلتي بديت احس اني جد بدت تبرد علاقتي بزوجي بسبب تصرفاته انا كأي زوجة أحب احس زوجي يكون مسؤول عن بيته هو امانتا بالصرف مو مقصر نهائيا بطلبات البيت هم مو مقصر بس لو مثلا السيارة احتاجت شي يمهل الموضوع معاه مده لين ما يسويه احتجت اركب شي ع الحيطة هم ياخذ وقت يعني هي امور اللي يمهل فيها لا هي ثانوية ولا هي رئيسيه بس يعني بالأشهر الامور تظل معاه ودائما يقلي انه مو فاضي.رغم انه كل اللي يسويه طول يومه يروح دوامه ويرجع ينام شوي ويطلع مع اصدقائه ويرد لي قريب ال 11 و انا تكون علي كل المسؤليه كلمته كم مرة نحتاج وقت نقعد مع بعض بروحنا بدون الأطفال يقول لي انا اييج واقعد معاج بعد ما اخلص طلعتي وهذا وقت خاص فيني مالج حق تتحكمين فيه و يرجع امانتا فيه نوم وانا هم تعبانة فشنو هالساعة اللي يقعد معاي فيها??!فأحس خلاص بعد ما تكلمت وتكلمت معاه وصلت لمرحلة برود بكل شي لدرجة صرت ما اسولف معاه ما عدت احس اني احبه وجديا ابتدت افكر بالطلاق يا اني اعيش معاه بس جذي لكن ما احبه ولا يهمني واكيد هالحياة ما راح تكون سليمة لأطفالنا في جميع الأحوال بس جد حياتي صارت حزينة صامته واحس الأفضل بعدي عنه اتمنى اعرف رأي الأستشاريين وانا ما كتبت هني الا اني خلاص عجزت و جد ما اعرف شسوي