قالت لي ابني كالخاتم في اصبعي .!

السلام عليكم انا متزوجة من خمس سنوات وعندي طفلة ومشكلتي ان اهل زوجي وامه بالتحديد بوظت حياتي وعلاقتي انا وزوجي طول الوقت بتذم فيا قصاده وبتدخل في ادق تفاصيلي مع العلم اننا مس بنشوف بعض غير مرة في الاسبوع لدرجة انها قالتلي مرة انا ابني ده زي الخاتم في صباعي اقوله يمين او شمال المشكلة ان زوجي كان رأيه فيا دايما اني زوجة صالحة وانه راضي عني لحد ما زادت تداخلاتها في حياتنا وقريت بالصدفة رسالة ع الواتس بينه وبين امه بتقوله فيها طلقها واوعي تضحي حتي عشان بنتك لا طبعا انت راجل والراجل ما بيضحيش وكمان جتلي البيت وقالتله قصادي طلقها دي ماتنفعكش وانا اجوزك واحدةانضف منها ميت مرة وهو ما ردش ولا كلمة ولما انا زعلت وقلتلها اتقي الله عندك بنت كان هيضربني قصادها واخته اصغر مني بتسع سنيين شتمتني وطردتني ومدت ايدها عليا في بيتهم وانا ما ردتش علبها عشان خاطره ودلوقتي انا مش بروح عند اهله بقالي سنة لاني كل ما بروح بيكرهوه فيا وفي تصرفاتي ومش بيعجبهم هدوئي وبيتحكموا في كل تصرفاتي ويقوموه علبا وانا تعبت وهو بيسمع لاي كلمة منهم كانها قرآن ودلوقتي بقاله كتير اوي بيعاملني معاملة سيئة للغاية وكل ما احاول اقربله يقوللي انتي وجودك زي عدمه انا نفسي اطلقك بس الظروف مش سامحة وبقي بيتصرف معاي بشكل مش منطقي يعني ساعة يبوس ايدي ويقوللي بحبك وبعدها علي طول يبقي مش طايقني ويعاملني باسلوب مهين وينزل الصبح وهو رايح لامه كويس ويجي باليل حد تاني انا تعبت مع العلم انه اول واخر انسان حبيته ولما طلب مني من فترة اني اروح معاه عندها وانا قولتله حاضر عشان خاطرك اتقلب تاني لوحده وقاللي لا مش عايزك تيجي عشان خاطري يعني بيحاسبني حتي علي نيتي الكويسة معاه مش قادرة اعيش كدة وبيقوللي انا مس هطلقك عايزة تغوري من البيت غوري او عيشي معايا زي المطلقة يعني عايزني افضل معلقة كدة وكل ده عشان بيسمع كل كلمة امه تقولها عليا حسبي الله ونعم الوكيل