الأفكار السلبية لا تخرج من عقلي ابداً

بسم الله انا بنت وعمري ١٨ سنه حساسه جدا وشخصيتي طفوليه جدا تركت صحباتي الي كنت اعرفهم من سنين فجأه في فتره حسيت فيها اني مكتئبه جدا كان مزاجي متقلب جدا وكنت ارج امي ديما واقولها اني تعبانه وابغاها تحس فيني من بعد ماتركت صحباتي ما اتعرفت ولا على احد وكنت اتعرف على ناس وابعد عنهم وصرت اجلس مع نفسي طول الوقت واغلب الوقت افكاري سلبيه طول الوقت افكر بالكون مو قادره افرح لأني طول الوقت افكاري سلبيه اجلس مع الناس وانا عارفه اني اتصنع شخصيتي اسوي اني لطيفه وابتسم وفي شي جوتي ينحرق انا حاسه بالوحده احزن على حالي بعض الاحيان مع العلم اني تركت صحباتي لأني ابغا اشوف قد ايش قدري بالنسبه لهم احب انو الكل ينتبهلي مرت فتره في حياتي لما كان عمرب ١٤ سنه كنت اشوف اشياء غريبه دحين الحمدلله ما اشوف وكنت انام مع امي اللين ما دخلت الثانوي كنت اخاف من الموت علما بأني خوافه من يوم ماولدت ودحين ما اخاف ولا من شي جاني تبلد الافكار السلبيه طول الوقت براسي وانا صغيره كنت ديما اخربش نفسي مو عارفه ايش هي شخصيتي الحقيقيه احس اني مخنوقه يومي نصو يروح وانا اتخيل ولازم وانا اتخيل اسمع اغاني وامشي في الصاله روحه وجيه واكرر دي العمليه اللين ما اتعب انا فعلا تعبت ومو لاقيه حل للي انا فيه