في كل مرة يعدني بأنها ستكون الأخيرة، مالحل معه؟

انا وزوجي أطباء ومن أسر مرموقة وملتزمة تزوجنا بعد قصة حب مشتعلة خمس سنوات بعد شد وجذب كان يتركني و بعد وقت يرجع لي يقول ماقدر يعيش من غيري للأمانة احيانا كان يطلب مني اجي عنده بالبيت نقضي وقت رومانسي بس ما حصل عملنا علاقة اطلاقا وهو كان يقول يستني هذا اليوم بالحلال وتزوجنا وكنا مبسوطين جدا ورزقنا بنت في اول سنة زواج بس بعدها صار في فتور بينا وصرنا بعاد حتى علاقتنا الحميمة صارت من وقت لآخر مرات نتم شهر واستمر الوضع لين اصبح شهور مانقرب بعض والمشكلة مافي احد فينا يسأل الثاني مرات اشتاقه ويكون نفسي بس استحي اطلب منه اقول اذا هو رجل قادر يتحمل يبعد عني كل هذا الوقت بعدين اكرملي اصبر وبعدين اكتشفت انو بيعرف علي بنات بس ماوصلت انو يزني ابدا هو ملتزم ترا بس محادثات هاتفية وغزل و دردشات وغالبا يكونو مرافقات لمرضاه وكل ما اكتشف علاقة يبكي ويبوس رجلي وما كنت احكي لأحد بس صار الموضوع متكرر وصرت انقهر وانكسر ومرات اقرر اترك البيت يجن ويروح يفضح حاله و يستنجد بأخي وأبي وامه حتى أعطيه فرصة واتراجع عن الطلاق ويقول غلطة وما راح يكررها وانو شاريني ومايبي يخسرني بس يقضي فترة ويرجع يكررها ويطلب اسامحه مع العلم انو مازال علاقتنا الحميمية ضعيفة ويقول بيغير حياتنا للافضل وانو بيعشقني وبيحب بنته وولده ومايبي يدمر بيتنا بس المشكلة انو ماا عارفين نتفق حتى في اساس الزواج احس أننا اصدقاء او اخوان مايشتهيني ابدا وحتى اذا طال الوقت واحيانا بعد انا ألمح او يجيني متضايقة يجي يطلبني للسرير بيتم ساكت لين نخلص مع انو كان رومانسي حتى البنات الي يعرفهم كان يعبر لهم صار معي بخيل بالتعبير وشحيح بالعاطفة والعلاقة تعبت نفسيا وتقريبا احنا الاثنين لا قادرين نعيش كزوجين ولا قادرين ننفصل ونبعد ما ادري من إيش خايفين وليش احنا الاتنين عايشين ها الحياة القاسية مع انو ممكن نعيش احلى منها ..