بهذا المجتمع جمال الفتاة نقمة!

ليش لما تكون البنت ملفته و جمالها واضح ما حدا بكلف حاله يشوف ابعد من وجهها .. ما حدا بهتم بعقلها بشخصيتها باختصار بعتبروها مزهرية و بس و حتى الشباب بعتبروها مسابقة انه مين يزبطها اول و يتفاخر قدام صحابه حتى لو كانت محترمة مش مهم المهم انه اول واحد زبط احلى بنت بالدفعة .. طب شو تعمل هي يعني بدل ما تكون نعمة تحمد ربنا عليها الناس بحسسوها انه ذنب هي عملته بايدها حتى صاحباتها بعاملوها بغيرة و حسد كأنها اخذت فرصهم و قطعت نصيبهم و بتجنبو يطلعو معها قدام الناس خوف تؤخذ العين منهم و لو تقدملها عريس لا بهمو يعرف نفسيتها و لا كيف بدها تربي ولاده كل همه مزهرية قدام الناس امه تطلع تعرط فيها قدام عماته .. يا ربي شو مجتمعنا مريض و بيقلب نعم ربنا لامراض حتى بعد الزواج بتقضي عمرها خايفة من اليوم السابع شبابها و جمالها رح يروح فيه لانها عارفة انه السبب الوحيد الي خلى جوزها يتقدملها هو شكلها و لا حب روحها و لا حب مضمونها .. كل الي شافه فيها عيونها و كسمها و شكلها يعني بس هذول يروحو تقرى عحالها السلام .. يا ربي تريحني من هالمجتمع المتخلف لا الحلوة مرتاحه و لا البشعة متهنية ما بعرف الواحد شو يعمل تا يعيش بين الناس براحة