تعلقت بفتاة وأهلها يقفون عقبة أمامي

مرحبا ما ريد منكم توبخوني لو تلوموني على مشاعري بس هذا الي صار وما اعرف ليش هيج صار وشلون انهي الشي وهذا يلي اريد اعرف شلون انهيه اني عمري 31 قبل خمسة سنوات اني متعرف ببنيه على مجموعة فيسبوك وحبيتها بإسلوبها وطريقة تفكيرها وردت اكبل وياها بس هيه ما قابلها بالموضوع مما اضطرني لأن انشأ حساب بنيه ومن ذاك اليوم لليوم احجي معاها ع انني بنيه ومن كانت تريد تتاكد اني بنيه كنت اخلي زوجة اخوي تحجي وياها فيديو وصوت بس اني ما طلبت صور ولا بعثت صور ولكن كنت اسمع المكالمه اي زوجة اخوي شريكتي بالجريمه وامي تعرف يهالشي بس ما تعرف اني احاجيها من حساب بنيه ما اعرف ليش الله اختارلي هاي البنيه وليش بذاك التوقيت بس اني إنكلبت وكله بسببها والحمدلله هذا التغيير كنت انتظره من سنين والكل واني مبسوط من هالتغيير ... وكانت من تكلي تريد تطلع مع صديقاتها كنت ادعي انه من كنت ازور الاردن اروح على مطاعم معينه وهي بالأصل قريبه من مكان شغلي بالأردن بس على مود اشوفها واحجي وياه بس مرتين شفتها بهاي الطريقه وكنت امثل اني تايه ومضيع وهيج احجي معها وطلبت من زوجة اخوي تكلها انها تريد نتقدم لها بالزواج وكلمت امها اكثر من مره لكن ما قابليني يزوجها لغير اردني مدري بدوي اني اريد هالبنيه وكل يوم اتعلق بها وأعشقها اكثر وما اتصور ابعد عنها او انها تكون لغيري ما اعرف اني خايف من هالشي وناوي اعترفلها من تروح عند اهلها وأقاربها حتى يعرفون انها ملكي وما يرتبط بيها غيري . ما اعرف شنو الحل لو الطريقه المثاليه