أشعر بأنه يحب زوجته ومتمسك بها أكثر مني

السلام عليكم انا بنت سعوديه عمري٣١سنه انسه ماسبق لي زواج وادرس ماجستير بالقاهره خلال فتره دراستي تعرفت على شخص سعودي كان له عمل هنا بمصر يجي كل شهر تقريباً وطول فتره اقامتو فمصر نكون مع بعض حبينا بعض جداً انسان حنون ويعاملني بما يرضي الله وبعد فتره بسيطه قالي بخطبك وانا وافقت مع العلم انو متزوج وعندو بنتين،،اخذ رقم بابا ولا كلمو قعد تقريبا اسبوعين كل يوم يقولي بكره حكلمو،،بعدها رجعت انا للسعوديه عشان ظرف عائلي وقالي فاتحي امك بالموضوع وفعلاً فاتحتها وقلتلها على كل شي وماكانت ممانعه بس حكايه انو متزوج ماعجبتها وطبيعي جداً انها حتخاف انو يصيرلي مشاكل مع زوجتو ،،لكن هوا يقول انو معد يحبها زي اول وفلحظه ضعف منو اعترفلي انها خانتو قبل كذا وسامحها صح غلط منو يقولي على موضوع حصل بينهم لكن من باب الفضفضه المهم رجعت للقاهره وكان في بيننا خلاف على موضوع قلتلو اثبتلي انك تبغاني وانا سبقتك وفاتحت امي بالموضوع بوقتها اتصل على بابا من جوالو الثاني وكلمو واتفق انو يقابلو بعدها بكم يوم قابل بابا وتكلمو سوا لكن بابا شرط عليه انو يفاتح اهلو بالموضوع او يجيب احد كبير من اهلو او يفاتح مرتو ويقولها انو بيتزوج والى الان ماعمل اي شي من الشروط الي اهلي قالو عليها مع انو قال لامو ويقول انها موافقه لكن ماحتكلم اهلي عشان زوجتو بنت اخوها وموقفها بيكون صعب فعيلتهم ياجماعه شورو عليا منجد مني عارفه كيف اتصرف احيانا احس انو يحبني واحيانا احس انو متمسك بزوجتو وممكن ف اي لحظه يبيعني عشان رضاها مع العلم انو عمرو ٣٧سنه لكن يخاف من مرتو بطريقه غريبه ومهما تعمل فيه يمشيلها ومايحطلها حدود ابداااا وفي امور شخصيه بينهم يقولي عليها انها رافضتو ف السرير وانه يجيها لين الان ف الاسبوع اكثر من مره الي ابغا افهمو اذا انتهت الحياه بينهم على كلامو وانو صابر عليها عشان بناتو كيف يجيه نفس يلمسها حاسه انو بيضحك عليا او انا مجرد نزوه بالنسبه له انصحوني ارجوكم.. اختكم ف الله.