يريد أن يعرف تفاصيل يومي ويغضب حين أغيب عنه

انا أتعرفت على شاب على الفيس بوك وبالصدفة عرفت انه من بلدي وعايشين في نفس المكان بس منعرفش بعض هو مسافر برا مصر وعايز يخطب وماصدق لقاني وبيكلمني علطول وبيطلب مني نتكلم فون وانا برفض لان اهلي متشددين ومينفعش اكلمه كدا عادي انا رفضت وهوا يقولي تمام خلينا نتكلم بالكتابه وبعدها يرجع يقولي نتكلم فون بردو ومبقالناش اسبوع نعرف بعض وبيتعصب عليا لما بكون بكلمه واطلع من الشات واتكلم مع حد او اعمل حاجة والله لو دقيقه واحدة يقولي روحتي فين انا بكلمك ولو هتعملي حاجة قوليلي قبلها وكل ما اقول حاجة يفهم غلط ويزعل انا معجبه بيه بس حاسة ان انا مش عارفة اوصله قصدي من الكلام والسبب في الشات دا وهو قالي ان معظم الخناق والزعل بيجي من الشات الكتابي دا انا اتخنقت حاسه ان هبقي خايفه من كل كلمة اقولها او اي تصرف اعمله وازعله ونتخانق انا حاسة ان انا مش هعرف اتعامل معاه بطبيعتي وعلى راحتي من غير ما اعمل حساب لكلامي معاه انا طلبت منه نبطل نتكلم يومين عشان اعرف اذا هو فارق معايا ولا حياتي قبله كانت احسن وكمان حاجة هو عايز يعرف عني كل تفاصيل حياتي وبيحكيلي علي ادق تفاصيل يومه وحياته من كلامه حسيت انه معجب بيا وقالي انا عايز اكون أقرب حد ليكي انا مش مستوعبه اللي بيحصل والتطور السريع في العلاقة دا انا بفكر دلوقتي ومش عارفة اوصل لحل اما هكمل معاه واستحمل عصبيته واحاول افهمه ونحط حد لكلامنا ونخلي علاقتنا ليها اسم عشان انا مش فاهمة دي صداقه ولا ارتباط! يا اما نبطل نتكلم نهائي واقوله ان حياتي كانت افضل وان انا عندي شخصية مستقلة ومش بحب حد يتحكم فيا وفي تصرفاتي بس انا خايفه ان اكون اتسرعت وان المفروض ما احكمش عليه دلوقتي واديله فرصة تانية انا عايزة ابعد بس عايزاه يفهم ان انا مش كارهاه هو وان انا معجبة بيه بردو واخليه يفضل متعلق بيا انا عايزة حد يفهمني ازاي احافظ على نفسي وكرامتي وفي نفس الوقت يفضل متمسك بيا ويحبني