قبلت به من أجل أن يشتري لي سيارة

مرحبا انا قرأت عن موقعكم وحابه اشارك هاد الموقف يلي صار معي ومنيح انه ضميري شغال ... بالبدايه انا بشتغل مظيفة طيران وعمري 21 بابا وماما منفصلين وكل واحد ماسس حياته وعلاقتي معهم منيحه ومارضيت اعيش عند اي واحد منهم ساكنه مع صديقات لالي بالشغل وبيوم كلنا راجعين من رحله وراهنوني على شاب هو اكبر مني ب13سنه وانه اوقعه بحبي ويشترولي السياره يلي بدي اياها ووافقت بس انا ما كنت بعرف انهم مخططين مع يلي مرتبطين فيهم انهم يربطوني مع هاد الشاب لانه فش بنت تتحمل غيرته وتحكمه وبالمقابل انا عنيده بده اترك الشغل واتحجب واترك صديقاتي يعني انا دخلت واتحملت الخمس شهور بس عشان اكسب السياره وبالمقابل هو اتسلى وانا برضو اتسليت ، بس انه يتطور الموضوع لحب تملك وانه يفتح معي موضوع الزواج هاد ما كان بالحسبان اولا لانه هو كبير وما بيشبه الستايل الشاب يلي انا بحلم او بحب ارتبط فيه واثنين لساتني صغيره وما شفت شي من الحياة وثلاث فيو صفات ازا مش كلهم بكرهم ومستحيل اتحملهم فيه ، وهو بحكيلي انه عندهم تقليد انه اذا بحب لازم يتزوج يلي بحبها وهو مصر على هاد الموضوع وحكيت معه بالحسنى مش زابط غيرت رقم تلفوني وغيرت شفتات شغلي ومواعيدي وبرضو مش زابط وتركت السكن وصديقاتي لانه اطاوش معهم ومانعهم يحكوا او يتعاملوا معي بحجة الغيره وهاد احسلني حتى ما يعرف مكاني وحكتله انا دخلت بهاد الموضوع بس عشان السياره وهددته باهلي برضو مش زابط وهو مش راضي يفهم هاد الشاي انا فعليا وقعت بورطه ومش قادره اطلع منها