من يومين تغير حالنا تماماً

انا بنت بالعشرين من عمري، اتغربت للدراسه الجامعيه والتقيت بشاب معي وحبينا بعض وارتبطنا لمدة سنه و 3 اشهر سافرت حاليا في اجازة لأهلي من 10 ايام تقريبا ومن يومين تغير حالنا تمام كان ف ليلة متضايق وانا مستنيه يخلص سحوره مع اصحابه حتى يرجع ونحكي ف تأخر واتصلت جاوبني بمسج "انا متضايق، اتركيني" ف حاولت اعرف شو صار معه بحجه طيب اعرف شو في ورح اتركك بس احكي جاوبني معصب انه رسب وتأخر سنه جامعيا وهو اصلا واجه مشاكل كتير بهالموضوع واصلا المفروض انه تخرج ف ما اعطاني مجال نحكي او اي شي حاولت اتطمن عليه اليوم اللي بعده برد بجفاف لحد ما جاوبني وقالي انا مش قادر استحملك صرت بحبك وقرفان منك ومش قادر احكي معك انتي ما بتعرفي تتصرفي بأي موضوع بالدنيا وحاولت انصحك انك تنضجي قبل ما الدنيا تيجي عليكي وهي الدنيا جابتلك موضوع من ناحيتي لازم تتغيري قعدي مع حالك وفكري وانا قربت ازهق انا طبعا انصدمت من الكلام وما اعطاني فرصة اجاوب ولا اتفاهم بحجة بده فعل مش حكي ومش عارفه احكي معه ولا هو بيحكي معي والمشكله بالنسبه الي انه مفيش مجال حاليا اسافر او نقعد ونحكي او اي شي