حبيبتي تتهمني أني لا أبادلها نفس القدر من الحب والاهتمام

السلام عليكم. تعرفت ع فتاه عبر الفيس منذ عام كانت علاقتنا ف الاول اخوه وصداقه. لاني كنت رافض ومستبعد الحب لاني لي تجربه قديمه بقالها 7سنين استمرت شهر كان اول حب لي فرحت فيه يومين بس والباقي جرح ووجع وكسره واحباط انا عمري 24سنه مشكلتي ف علاقتي الحاليه الصداقه اتطورت من ناحيتها وبقت حب وانا سعيد بحبها ليا لاني معجب بشخصيتها واسلوبها فيها مميزات كتير اي حد يتمناها.. هيا دايما تقولي ان انا مش قادر احبها واحتويها واهتم بيها مع اني عمري مع اني ماتجاهلتها او غبيت عنها يوم ودايما بحاول اسعدها وبكون معاها دايما في وقت فراغي اللي بكون معنديش شغل فيه وبحترمها وبقدرها وبخاف ع زعلها وهيا كمان شيفاني احسن حد ودايما بتمدح فيا وفي شخصيتي.. المشكله ان علاقتنا دلوقتي كلها خناقات منها وزعل ع اتفه الاسباب وانا كمان مش قادر احبها واحتويها واهتم بيها زي مااهيا عايزه عشان مخصرهاش وبقول ممكن احبها واتعلق بيها مع الوقت وبتمني ده لكني مش قادر حاسس اني قلبي مات ومشاعري اتبلدت وحزين ع نفسي جدا وعليها لاني هخسرها كدا.. وحاسس بالذنب تجاها ودايما بلوم نفسي لاني شايفها بتحبني ومتمسكه بي جدا وانا عاجز مش عارف اعمل اي حاجه... دلوني اعمل ايه رجائاً