خائفة أن أظلم خطيبي بسبب حبي السابق

مسا الخير... انا بنت حالياً مخطوبة... من ٦ سنين وانا كنت بحب شب لدرجة الجنون وتعلقت فيه كتير وهو حبني وكان حبنا حلو كتير وصادق الكل بيتمنى يعيش متلو اتحديت اهلي وتعذبت كتير حتى اقنعهم بهالشب وكان سبب رفضهم انه من عمري اما الاخلاق وكل شي بهالشب كان كامل حبيتو اكتر من حالي بس كانت مشكلة انو شخصيته ضعيفة قدام اهله وعدهم ما يهمل جامعته ويتحمل مسؤولية كرمالي بس هو رسب واهله اصروا عليه كرمال يتركني هو ما وقف معي ولا حتى قال لا بدو ياني بكل بساطة تركني وقدر يبعد وانا يلي حاربت الدنيا كرماله وكنت اسهر هو ومريض خاف يحكيني وانا نايمة ادعيلو اكتر من حالي بس تركني بليلة بطلت قادرة اتنفس فيها كرهت الدنيا كلها وتقدملي شب كرمال يخطبني وافقت من دون ما فكر واهلي وافقوا لأخلاقه ودينه ... انخطبت من شب بيحبني كتيير وهمه انو يسعدني ويحقق احلامي ما تخيلت بحياتي انو لاقي شب يحبني لهالدرجة .. بس احياناً بكون مبسوطة وبحس حالي بحبو واحياناً بحس حالي مش قادرة حبو او عم اضحك على حالي .. مش عم اقدر انسى ٦ سنين كانو احلى شي بحياتي و ضايعة مش عارفة شو اعمل مستحيل اضحك على هالشب واظلموا.. بس كمان لازم كفي حياتي وما ارجع لورا خايفة ما اقدر حبه و يضل يلي قبل بقلبي وما انساه كتير تعبانة نفسياً ويائسة ارجوكم انصحوني وفيدوني طولت عليكم اسفة بس حبيت احكي يلي بقلبي