اتعذب بسبب حب كان كالوهم

من فترة بسيطه اتعرفت ع شاب ع احد مواقع التواصل الاجتماعي كل حد فينا كان محتاج احساس انه يتحب لدرجة اننا تخيلنا اننا حبينا بعض فعلا من بعد يوم واحد كاننا في حلم لدرجه اننا تخيلنا اننا اتخطبنا وعايشين اجمل قصه حب في العالم وبقينا فعلا كاننا اتنين مخطوبين بينهم محبه وسكينه وعشرة كاننا نعرف بعض من زمن كنا شبه بعض في كل حاجه كاننا فولة اتقسمت نصين بس كنا بين لحظة والتانيه نرجع للواقع اللي فيه احنا اتنين مش مناسبين لبعض في السن ولا في طريقه التعارف بس انك تلاقي كل اللي بتدور عليه في شخص صعب اوي يتكرر وفي نفس الوقت صعب يتحقق معاه انا للاسف حبيته بجد حبيته فعلا هو كمان حبني بس بعيد عن العقل او مافكر بعقله اكتشف ان كل ده غلط وقرر يبعد وانا كمان بعدت وانتهت الحكايه بس لسه حسه بنفس وجع البعد كان اقرب حد ليا مات ومش لاقيه حتي قبر ازوره فيه وجع صعب اوي رغم ان ممكن يبان تخيلات ووهم بعيدة عن الواقع بس عايزة اخرج من الحاله دي مش عارفه اعمل ايه؟