زوجتي لا تهتم بما يضايقني

انا رجل متزوج منذ ١٩ سنه وزوجتى موظفه ولكن لا تهتم بمايضايقنى او يسعدنى فاكثر شئ اكره عدم النظافه لا اهتم باكل معين او اطلب شئ على الاطلاق ونبهت عليها كثيرا بان هذا الامر يضايقنى ويجعلنى لا اطيق البيت ولا اطيقها ولكن كل اهتمامها بالمطبخ فمن الممكن ان تقضى اليوم كله بالمطبخ وعندما اقول البيت مش نظيف حجتها ما انا طول النهار واقفه على رجلى مع العلم ان نظافه البيت لا تاخذ اكثر من نصف ساعه وعندها يومان اجازه اسبوعيا تقضى نصف اليوم نايمه وبعدين المطبخ وبالليل مذاكره البنت الصغيره والنت طبعا كتير هيقولوا كتر خيرها بتشتغل والاكل ومذاكره البنت هتجيب وقت منين اقول لهم واللهى عندها وقت كتير وبعدين نصف ساعه او ساعه فى اليوم لراحه جوزها وسعادته مش كتير على وايام اجازتها تخرج مع اصحابها للنادى تقضى اليوم كله ما اقولش حاجه فى اداء الواجبات والمناسبات مع اصحابها زى الفل وللعلم عندها اصحابها اهم حاجه فى الدنيا كلمتها كتير ما فيش فايده لدرجه انى بقيت بقرف منها ومن البيت وكتير ما اكلمهاش واكشر فى وشها تسالنى مالك ولا فى دماغها وللعلم انى كنت اساعدها فى اعمال البيت ولكنى وجدتها زاد اهمالها وبقت تتكل على لو ما عملتش هى تطنش طبعا علاوه على اهمالها فى منظرها وشكلها جوه البيت اسف انى طولت لكن معلش كمان انا دخلى محدود ولا اطلب منها دفع اى مصاريف فى المنزل وعندما تدفع اى شئ تحاسبنى بالقرش ولكن عندما تضيق الظروف واطلب مساعدتها ترفض وتعز على كرامتى مع انها تصرف مرتبها فى حاجات لسنا فى حاجه اليها وتكرر الامر كثير لدرجه حرمت على نفسى اى شئ تشتريه اسف على التطويل لكنى ارفض الشكوى لاهلها او اهلى حتى لا احرج نفسى لكنى مش عارف اعمل معاها ايه للاسف اصبحت اجلس بالمنزل وانا كاره له