ذقت أقسى أنواع الذل والإهانة والآن يرفض طلاقي
انا عندي ٢٨ سنة بشتغل دكتورة جامعية متزوجة من سنة ونص ومعايا بنوته لما جوزي اتقدملي يعلم الله اننا مبصناش غير للخلق والدين هو مؤهل عالي وشغال شغل غير ثابت وقال ممعهوش غير شبكة رمزية نصها دلوقت ونصها بعد الزواج قلنا ماشي مؤخر كلام فاضي قلنا شكليات والله م دققنا معاه في حاجة وقلنا يتيم وسألنا عليه شكروا فيه ووالدي بقا يساعده حتي في الحاجات المطلوبة منه وكان مقابل المعاملة بالاحسان دي نكد وخصام باليومين والتلاتة من اول اسبوع جواز اهانة وذل منه ومن اهله خاصة انهم استضعفونا بعد وفاة والدي وانا بنت وحيدة وعلاقتي بوالدي مختلفة وكمان والدي كان معتقل وتوفي بعد خروجه بيوم حتي امي واخويا مسلموش من أهله وطردوهم وأخوه مد ايده علي اخويا المواقف كتير موقف واحد منهم يوم ولادتي ابي كان متوفي من شهر ونص وامي كانت عاملة عملية جراحية قبلها بيوم واحد في بلد تانية وزوجي كان مسافر وجاي في الطريق واخويا اللي كان معايا وانا جاتلي علامة الولادة فجأة وزوجي مرضاش يخلي أخويا ياخدني المستشفي بالعربية وفضل قاعد يتفرج عليا بمنتهي البرود عشان يعاقبني اني مبلغتش امه اني بولد وفي الاخر خدني هو وامه ومشوني لحد الموقف وانا بولد ومش معايا حد من اهلي وتحملت عشان اعيش وبعدها باربع شهور.. مد ايده عليا لاني كنت عاوزة ازور والدتي المريضة وشتمني وامه واخوه طلعوا شتموني وحبسوني واخدوا موبايلاتي. جم اهلي خدوني بالعافية لما الجيران كلموهم. انا واخدة قرار الانفصال بس بيقولي ملكيش حاجة عندي مادام انتي عاوزة تنفصلي حتي لبسي ولبس بنتي مش راضي يديهولي. انا بس حاسة بكمية قهر وظلم علي نفسي اوي لو اتوزعت تكفي العالم وحاسة اني هيحصلي حاجة من كتر الالم والحزن اللي جوايا
شارك في الاجابة على السؤال
يمكنك الآن ارسال إجابة علي سؤال
![علم United States](https://stg.hellooha.com/revamp/assets/flags/us.png)
كيف تود أن يظهر اسمك على الاجابة ؟
- المدربة ميساء حموري اهلا عزيزتي والله لا اعلم كيف تكوني دكتوره جامعيه وترضي بكل هذه الاهانات والمعامله ولماذا ومما تخافين وماذا تنتظرين من انسان متخلف بهذه المواصفات ؟؟؟ اذهبي لمحامي فورا واعرفي حقوقك وانت تعلمي طبعا ان ابنتك من حقك وان عليه الانفاق عليها ،طالبي بكل حقوقك ولا ترحميه واياك ان تعودي له ،انت امراه متعلمه وعامله فلا تخافي شيء وهل تنتظري منه ان يعيلك وينفق عليك بعد كل هذه الاهانات والمعامله القاسيه ؟؟؟ معك حق ان تحزني وتشعري بالقهر ولكن لا تطيلي مده الالم والحزن وابداي بالعمل للتخلص منه وبالتوفيق .
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اسرية
احدث الوصفات
احدث اسئلة قضايا اسرية
اسئلة من بلدك
احجز استشارة اونلاين