كل شكوكي به تكون في مطرحها

انا عمري ما اتعودت اشتكي لحد بس كلمتكم لماتعبت ومش لقيه حل انا وجوزي متجوزين عن حب اتقدملي وهو بيدرس ومفيش اي امكانيات خالص عملت المستحيل علشان اهلي يوفقوا وفضلت مستنيه اربع سنين وهوطلع راجل فعلا ووفي بكل التزاماته في الوقت ده انا كان مستوايا العلمي والاجتماعي ارتفع اوي الحمدلله معاملتي معاه كويسه جدا بشهادته وشهاده اهله وكل الناس علاقتي حلوه اوي مع أهله مشكلتي معاه اني اتصدمت فيه بعد الجواز اكتشفت أنه مش بيصلي ولا بيصوم مع انه كان دائما يكلمني عن التزامه الديني وحاسه انه مراهق طلبات صداقه كتير لبنات ميعرفهاش بيشاهد فيديوهات ممنوعه أخلاقيا بيكدب كتير جدا ويحلف علي حاجه واضحه انها كدب وكل مره اعيط واقولها نتطلق لو مش بتحبني ويقولي مقدرش استغنى عنك ويعمل المستحيل علشان مزعلش بس انا اعصابي تعبت بقيت بشك في كل تصرفاته وهو عارف اني مش بثق فيه والصدمه أن كل شكوكي بتطلع في محلها وبيطلع كداب برضه المشكله اني بحبه اوي وكان عندي امل انه يتغير وعارفه انه بيحبني بس تعبت اوي احنا لسه مفيش اطفال اعمل ايه