‏زوجي يتواصل مع فتيات فهل أطلب الطلاق؟

انا شابه فى اوائل العشرينيات متجوزه من 10 شهور تقريبا جوزى كان قبل ما نتجوز وفى اول شهر من جوازنا حاجه ومن تانى شهر لغاية دلوقتى حاجه تانيه الاول كان مهتم بكل تفصيله تمر عليا كان مشاركنى كل حاجه كنت حسه انه ملكى لوحدى مع انه متجوز قبلى ومعاه اولاد فى اول الشهر التانى من جوازنا ابتدى يتغير خالص اختفى بقيت اشوفه كل فتره ولما اشتكى يقول ضغط شغل لحد ما جه يوم لقيت الباب بيخبط هو فتح لقيته خاف واترعب لقيت واحده هى بصراحه احلى منى بكتير ولقيته بيقولى مراتى كنت مفكراها ام ولاده بس بعد فتره طويله حوالى شهرين او تلاته قلت اجيب سيرتها واشوف هيقول ايه لقيته بيقولى انها كانت مراته التانيه وانى كنت التالته وانه طلقها بعد ما كانت عندى على طول بسبب انه اكتشف انها بتكلم شخص تانى سكت وقلت الشرع محلله اربعه المهم انه طلقها وبيحبنى انا عدت الايام ومن حوالى شهر ونص لقيت بنت بتكلمنى خاص على الفيس وبتسالنى انا مراته ولا لا وبحكم ان اهله ميعرفوش انه متجوز تانى قلتلها لا خفت لتكون اخته ولا حد من قرايبه ولما سالتها هى مين قالت ان فى علاقة حب تجمعها بجوزى من سنين طويله مرت وزى اى ست مصريه زعقت واتعصبت واتخانقت وطلبت الطلاق وسبت البيت ومشيت بعدها باربع ايام لقيته باعت صديقه لينا احنا الاتنين وهى الى تعرف تفاصيل حياتنا كلها صلحتنى عليه وجه اخدنى وروحت بعدها بكام يوم لقيته بيقولى ان مراته الى طلقها بتكلمه مكالمه عاديه بتطمن عليه وهو عايز يردلها المكالمه ويسال عليها ملقاش منى غير جمله واحده عايز تكلمها كلمها وسكت من اسبوع بس اكتشفت ان البنت الى كلمتنى على الفيس لسه بتكلمه ومقطعش معاها زعقت واتعصبت المهم هدانى وقالى انها مجنونه وعلشان هى قريبته مش عارف يتصرف معاها سكت وعديتها ليا واحده صحبتى من دوله عربيه صديقه بينى وبين مراته الى طلقها ده لقيتها بتقولى انه لسه بيكلمها من اكونت تانى غير الاتنين اكونت الى انا عرفاهم عامله باسم مختلف غير اسمه انا دلوقتى مش عارفه اتصرف ارجوكوا لقولى حل اطلق ولا اسكت واتحمل