هل معها حق أن تمتنع عن مناقشتي في ما يخص زواجنا؟

السلام عليكم أنا عندي 30 سنة متزوج منذ ثلاث سنوات من إنسانة من أروع ما يكون و حبيتها كتير خاصة إنها دايما بتراضيني و بتحبني و مهتمة بيا جدا و مش بتزعل والدتي أبدا حصل لينا بعد الزواج ب 10 شهور ازمة اضطرتني أسافر دولة عربية للعمل وهي ولدت بنتنا بعد ما سافرت و كان التواصل بينا صعب شوية مكناش بنتكلم إلا مرة في الأسبوع و أحيانا مرتين المهم أنا رجعت من شهر لقيتها مستقبلاني استقبال رائع جدا و أعطتني هاتفها حتى أشتري واحد آخر ليا و بالصدفة لقيت محادثة بينها و بين واحد على الماسنجر هي لا مسحتها و لا قفلت الحساب قبل ما تديني الفون كانت مفكراه واحدة زميلتها بس قالها انه راجل المهم قريت المحادثة ليس فيها أي شيئ بل هي كانت بتحاول تنهيها بالذوق و هو يلح عليها تتكلم معاه و بعدين بعت لها أكتر من رسالة بس هي مردتش انا اتجننت لأني بغير عليها جدا ليه مقفلتش الحوار على طول و ليه فضلت تكلمه شوية و ليه مقالتش إنها متجوزة و معاها بنت و لما سألتها زعلت جامد و قالت إنها مش هترد على الكلام ده لأنه مجرد سؤالي إهانه ليها و لحبنا و من وقتها و هي مش بتكلمني مع إنها مقالتش لحد ولا سابت البيت بس رافضة النقاش و ده هيجنني أكتر تفتكرو هي فعلا كانت بتتواصل معاه ؟؟ ولا فعلا هي معاها حق و مش مفروض إني أشك حتى ؟؟؟