زوجي لا يستحم إلا نادراً

السلام عليكم انا كتبت ليكم هنا علشان افضفض معاكم ويمكن تلائولى حل انا متزوجه من عشر سنين والحمد لله فافيش حاجه بتفضل على طول حلوه ولا وحشه بتفضل على طول والحمدلله انا مشكلتى ان زوجى لما بياكل مابيغسلش ايده ولا فمه بعد الاكل الا لو كان سمك ساعتها بس بيقوم يغسلها ومابيغسلش وشه غير وهو خارج على شغله بس والإستحمام كل فين وفين لما يستحمى مره واتكلمت معاه كتير وبيرد عليا لو مش عاجبك ممكن تطلقى واسكت وباعدين ارجع اتكلم تانى فيمد ايده عليا (يضربنى بالقلم) ف باسكت بجد الموضوع ده مضايقنى جداً انا ساعات بقرف منه ولو حس بكده يقولى دانا يامه شلتك وانتِ والده علشان قيصريه وبيكون متركب قصطره ف كان هو اللى بيفضيهالى وانا مابنكرش انه وقف جنبى كتير بس موضوع عدم النظافه الشخصيه ده بيدايقنى اوى ومش لائيه حل اعمل ايه افيدونى.وبرجاء لو مشكلتى هاتنزل بإسمى بلاش تنزلوا وابعتولى الرد على الخاص وجزاكم الله خيراً