حماتي تصرخ في وجهي عند أي موضوع

انا مشكلتى حماتى مش بتحبنى خالص ودايما تتحجج بأي موضوع علشان تزعقلى وتبين امام زوجات اخوات زوجى انها بتهزئنى ودايما بحاول ابعد عن اى حاجه بتزعلها مع انى مش ساكنه معها بنفس المنزل لكنى فى نفس الشارع والبيت اللى اسكن فيه مكتوب باسمها وكان قديم جدا وزوجى هدمه وبناه لنا بيت جميل هى دائما تحاول ان تبرهن لى بالافعال ان هذا البيت بيتها انا زوجى طبيعة شغله بيسافر اسبوع فى الشغل واسبوع فى المنزل ودائما لو خرجت تقولى كنتى فين وتهزئنى مع انى قبل مااخرج بقول لزوجى وكل خطوه عارفها عنى انا ست بتقى ربنا قبل اى شيئ مش عارفه اعمل معها اية واخر مره قالتلى كلام بشع كأنى بعمل حاجه غلط وان هى مراقبنى وتقول ههزئك قدام صحابك واى حد معاكى مش عارفه اعمل ايه ارجوكم ردوا على بسرعه انا فى حيره مع انها عمرها مابتسائل عليا ولا على ولاد ابنها وهو مسافر أبدا ولو ماشفتهمش شهر ولا بيفرق معاها مع العلم انى ساكنه فى نفس الشارع