أعيش ذليلة تحت مسمى زوجة

زوجة مذلولة تزوجت زوجي هذا من سبع سنوات وانا اكبر منة بتسع سنوات وكنت مطلقة وهو اول زوجة لة انا ولم يستطيع مواجهة اهلة بزواجنا فتزوجنا بعد قصة حب كبيرة وهو كان جار لنا واسسنا بيتنا باقل الامكانات منة وانا بعت كل دهبي علشان احاول ارفع من مستوي الجهاز ببيتنا علشان لما اهلة يعرفوا يشوفوا بيته باحسن مستوي وحصل حمل اول الزواج لكن محصلش نصيب ودخلت في مرحلة تعب وهو سافر دولة عربية للعمل واهلة عرفوا وحصلت كل ضغوطات علشان يطلقني لم يوافق واستحملت اهانات كتيرة من اهلة وهو كان عصبي معايا من تاني يوم زواج ولما سافر كانت كل مكلماتة اهانات وشتيمة وكانوا بيقولولي غيرة والامور مشت بينا بحلوها ومرها وحاول جاهدا يجمع ما بينا علشان يحصل الحمل لكن ربنا ماردش وكان دايما يحاسبني علي الفلوس ولما يجبلي حاجة مع اول شد بينا بالكلام ياخدها مني ويذلني بيها وخصوصا لما بدا يحس ان موضوع الانجاب دة بقي صعب عندي بدا يقولي هتجوز وبدا يعايرني باكلي او علاجي او اي مصاريف يصرفها عليا ويقولي احمدي ربنا دة غير مد الايد اللي من تاني يوم زواج بس انا معنتش قادرة استحمل الوضع دة حسن اني مذلولة ولو نفسي في حاجة زي اي زوجة ونفسها زوجها يجبهالها ابدا افكر هياخدها تاني مني انا دلوقت اعدة معاة في الدولة العربية بفكر معنتش اسافر معاة واعد في بلدي لكن هو بيقولي لو عملتي كدة مش هبعتلك مصاريف وفي نفس الوقت اعدتي معاة كلها ذل وارف بفكر انفصل عنة وانا دلوقت 43 سنة وارجع اقول هروح فين ودي تاني جوازة اعمل اية اعيش علي الوضع دة وانا حاسة بذلة ليا في كل حاجة ولا ابعد عنة واحاول الاقي شغل او اعد مع امي مع العلم اني قلتلة لو عايز تتجوز اتجوز واقول لنفسي لما انا دلوقت وانا لوحدي معاة بيعمل معايا كدة امال لما يتجوز ويخلف هيعمل فيا اية هيرميني في الشارع حد يقولي اعمل اية