زوجي يضربني ويشتمني طوال 23 سنة

السلام عليكم انا امرأه عندى ٤٤ سنه ومتزوجه من ٢٣ سنه وزوجى عنده ٤٧ سنه وعندى ولد وبنتين اكبرهم خلص جامعه واصغرهم فى اولى اعدادى مشكلتى انا وزوجى طوال هذه السنين فى مشاكل واهانات واحياناً ضرب وامام اولادى وكل ده استحملته علشان اولادى ساعات طبعاً كنت بزعل وامشى ويرجع يعتذر ويتعهد انه مايعملش كده تانى بس بشرط انه يحط اللوم على اذا اتعصبت ومااستحملتش او رديت عليه ابقى اجرمت المهم كل ده واكتر استحملته علماً بان حياتى معاه جافه وخاليه من اى عواطف لانه مابيسمحش بده وماباخرجش ولا حتى لاهلى غير بالخناق والخصام لحد ماماتت امى وخلاص تعبت من الخناق والكلام التعليمات لغاية دلوقتى صوتك يبقى واطى ماتضحكيش ماتكلميش حد الست ماتزورش اصحابها ماتخرجش كل ده وهو طول النهار والليل بره فى شغله والباقى مع اصحابه قرايبه وكل ماتخنق قوى ارجع ابص لاولادى واسكت علشان مااحرمهمش من ابوهم ولا المستوى اللى عايشين فيه لغاية من خمس سنين بدا كمان يكلم ستات ويعمل علاقات وكل مااوجهه كان ف الاول ينكر وبعدكده بقى يقول انا غلطت وكنت باهزر وهما اللى ستات مش مضبوطه ومش حاعمل كده تانى وكل مره يرجع تانى مع العلم انى بشهاده الجميع جميله وواخده بالى من نفسى وماباقصرش معاه ولا مع اهله وشيلاهم كلهم ودلوقتى انا وصلت لاخرى بقيت كل مااشوفه ماسك التليفون اتجنن واما يتاخر اعصابى تبوظ هو بيحلف انه مش اكتر من هزار وماوصلش للكبيره بس انا حاسه انه عملها بس ماعنديش دليل فمش عايزه اظلمه لكن مش عارفه اعمل ايه تعبت وبناتى على وش جواز وابنى مايقدرش يقعد من غيرى ومش عايزه اهدم حياتهم بس تعبت اعمل ايه