أبي يهددني بوقف دراستي إن لم أتزوج

انا بنت دوبي مكملة ال١٨ سنة في واحد من عايلتنا تقدم لي وانا عمري ١٤ ماكنت احبو اصلا من قبل لا يجي وكنت اقول لهم مااباه يحسبوني استحي واستهبل دحين جا يبا يملك انا رفضت صراحة مااحب دحين انا لسا صغيرة اهلي عقدوني من مجتمعنا وانا عارفة مافي احد كدا يجلسو يقولو بعد ايش تقولي مااباه؟ وانا اصلا ترا من اول اقول ويجلسو يقولو اش حيقولو الناس ؟ همهم بس الناس وهم اصلا مره يحبو دا الولد انا مره مااحبو ومااباه فكرت الزواج اصلا مو براسي هو ما يبا يجي يتزوج دحين بس ممكن بأي لحظة يجي مو عارفة اش اسوي بابا هددني لو ما وافقت يوقف دراستي