متزوجة زواج تقليدي، وزوجي مغصوب علي

عمرى 29 سنة ومتزوجة من 5 سنين زواج تقليدى بعد زواجنا ب3 شهور عرفت انه كان متجوز عرفى واحدة اكبر منه 20 سنة كان شغال عندها بس لما عرفت كنت حامل فى بنتى الاولى ولما اتكلمت معاه قالى ده كان قبل مااعرفك والموضوع اتنسى المشكلة انى بعد زواجنا قريت رسايل ليه مع واحدة ع الفيس قايلها انى مفروضة عليه وانه مش عايزنى ولما واجهته قالى انا بضحك عليا كان يسبنى قاعدة لوحدى وانا عروسة ويفضل يتكلم معاها ع النت برة وقال لواحدة مرة انه ببعصر على نفسه ليمون وهو بيكلمنى يفضل قاعد مع اهله طول النهار وبالليل يقعد مع صحابه ويجى اخر الليل ينام المشكلة انى عرفت بالصدفة انه كان ببحب واحدة قريبتى وانه مش قادر يحب واحدة تانية غيرها حتى انا والكلام ده عرفته من 3 سنين الايام دى هو مسافر بلد عربى ولما بيتصل بيه ممكن يفضل طول المكالمة ساكت ومكشر لحد لما يقفل بقيت بحس فعلا انى تقيلة عليه انى قصرت فى حق نفسى معاه بقيت بحس انى مش عايزاه يجى ولا عايزة اشوفه ومش عارفة اذا كنت انا غلط ولالا مع انى والله بتعامل معاه هو واهله بما يرضى الله وبشتغل علشان اساعده