عمري 20 سنة تزوجته رغم رفض أهلي

هلأ انا عمري 20 سنة ،، تزوجت وهو عمري 15 ابن عمتي وكان يحبني ولهلأ بيحبني كتير ، بس انا لما تزوجتو اهلي ماكانو موافقين كونو انا صغيرة ، بس حكتلهم انو انا بدي اياه وهو بحبني وانا بحبو، ماكنت افهم لأنو لسا صغيرة ، اهلي حكولو انو مابنزوجها هلأ ،حكى طيب بس خطبة ،، وخطبنا وبعد قراءة الفاتحة ب5 شهور اجى لعندي وماكان في حد بالبيت وبساعة غفلة صار الغلط ، بس هو ضل متمسك فيه وحكى لأهلي وماتخلى عني وتزوجنا وكان عمري 15 والحمد لله معاملتو احسن معاملة وبيحبني كتير وبيخاف علي وعندي هلأ ولد وبنت بس انا ماعم بحس بالحب يلي كنت احس فيه زمان ،، يعني طلعت الحياة الزوجية كتير صعبة ومو متل ماكنت متخيلة ،، مسؤولية ماعم بحس حالي ئدها ،، يعمي ساعات بندم انو تزوجت وبحكي ياريتو يرجع الزمن ،، وماما لأنها ماكانت موافئة ازا شافت اي مشكلة بينا ،بتحكيلي الله لايردك مو هاد خيارك ،، يعني مابئدر افضفضلها بشي