هل من الممكن أن اصلح حياتي للأحسن أم ماذا

السلام عليكم انا امراة متزوجة عمري25عام اتجوزت من 15 يوم كان في مشاكل كتير جدا بين اهلي وزوجي واهله واختلافات علي قائمة المنقولات وخلافات كتيره جدا لها اشكال كثيره وحاولت اني اسيبه لكن معرفتش ويمكن ده لانه هو نصيبي قبل الزواج كنت خايفه منه ومن اهله جداااااااا لدرجه ليس لها وصف واول يوم جواز تكلم زي اي زوج عايز يحافظ علي بيته بس هو مش ناسي الخلافات القديمه وانا خايفه انه ينتقم مني او يعاملني معامله وحشه لحد دلوقتي بيتعامل كويس يمكن علشان لسه متجوزين مش عارفه بس هو دايما بيقولي انا مليش علاقه باهلك نهائي وانتي تروحيلهم زياره وبس وبمزاجي انا وهو بيعامل بابا وحش جدا بس انا اتجوزت وبابا مش عايز يعملي مشاكل واهله عنده كل حاجه في كل حاجه خوفي كله انه تتضاعف المشاكل والخلافات وكمان انا نفسي اخليه ينسي اي حاجه وحشه حصلت واعيش حياه كويسه واخليه يحبني ويحترمني انا عصبيه جدا ودي مشكلتي وحاسه انه مبيحبنيش وهو اتجوزني علشان ميخسرش حاجه من اللي عملها هل ممكن اصلح حياتي للاحسن ولا مفيش امل