مشاكلي الزوجية لا تُحل إلا بعد دخولي في حالة اكتئاب قوية

انا متزوجه من فتره .. الحمدلله كل اموري تمام .. .. بس انا بطبيعتي كتومه و شو ما زعلني ما بحكي .. خصوصا انها خصوصيات و لا حتى لاختي بحكي ....و بالتالي صرت انفجر .. من جهه ما بقدر احكي لانه ما بحب احكي لحدا عن خصوصياتنا و من جهه ما بقدر احكيله لانه هو منيح معي و بحس رح اجرحه و رح احكي حكي مش بالضروره ينحكى و رح يعمل شرخ ...... و بالتالي بصفي انا مكتئبه و فجاه بنفجر من العياط و ما بعرف السبب بستغفر و بشغل حالي و بكتب مشاعري و عاده كل شي بنحل لحاله بدون ما احكي و لا كلمه ....بس بعد ما اكون انا اكتئبت و بكيت و عشت حاله سيئه و بجوز كمان نكدت عجوزي شو اعمل ..