زوجتي تنتظر انتهاء المشاكل في بيت أهلها حتى تطلب الطلاق

جيت على انسانه هى الوحيدة مكنش ينفع اجى عليها مهما كان بس حصل وظلمتها انا اتجوزت على مراتى من وراها مراتى كانت ضهرى كانت ونعم الزوجة والحبيبه والاخت وحتى الام بداية تعارفنا ان مرات عمى شفتها فى فرح وحكت لامى وامى سألت عنها واعجبت بشكلها واصلها وكل الكلام اللى وصل لامى كان حلو عن البنت اتعرفنا واتخطبنا واتجوزنا فى اول جوازنا مريت بظروف صعبة كانت واقفه جمبى ساعدتنى وساندتنى بكل قوة عندها كانت دايما تهون عليا اى حاجة بكلامها وتصبرها ليا واتخطينا سوا كل ظروف حياتنا الصعبة كنا ايد فى ايد بالحقيقه هى كانت الايد اللى بتشدنى كل ما اقع وتقوينى اكتر من الاول ظروفنا اصبحت ممتازة وبعدين حصل حمل وولدت طفلين توأم وفى نفس السنه حصل مشاكل كبيرة عند اهلها اتحولت لشخض تانى كنت ارجع عايز نقعد سوا نتكلم وتعرفنى عملت ايه فى يومها كانت تختصر الكللم او تقولى مصدعه مش قادرة اتكلم اجى احكلها عن يومى تقولى تعبانه كنت اجى العب مع عيالى تقولى نايمين هتصحيهم ابصلهم تقولى سيبهم لوحدهم عشان ميعطوش اجى اسكت حد فيهم لو عيط تاخده من ايدى وتقولى مش هتعرف تسكتهم فضلت مستحمل اسلوبها لغاية ما بقى عمر اولادى سنتين وسبع شهور المعتاد ان الراجل هو اللى بعد الجواز والخلفه بيتغير ومبيبقاش عايز يقعد فى الببت انا كنت عكسهم كلهم لغاية ما اتعرفت على واحده كانت جديدة فى الشغل وكانت بتبين كل حاجة حلوه ناحيتى ضعفت ناحيتها واتجوزتها وكمان اشترتلها بيت ليها وبعد شهر و٥ يوم جواز مراتى عرفت واتخانقت معايا وقالتلى ملكش الحق انك تتجوز من ورايا كنت تعالى قولى عايز اتجوز وكانت تبقى حريتى اذا كنت اكمل معاك ولا لا انا طلقت مراتى التانيه ومراتى الاولى لسه قاعدة فى الببت عشان عندهم ظروف عائليه وقالتلى اول ما تخلص هرجع بيت اهلى وطلقنى زى ما دخلنا بالمعروف نخرح بالمعروف انا غلطان واستهال اللى يجرالى بس عايز حل مش عارفه اتصرف معاها ازاىولا عارف اقنعها عن الطلاق