قلبي يحترق كلما رأيت زوجي يبتعد عني ويهجرني

السلام عليكم بالله تساعدوني انا مخنوقة جدا و حاسة ان الدنيا ماعاد ليها اي طعمة مشكلتي ان زوجي اتغير عليا كتير مش زي الاول كان يخاف عليا قوي و بيسأل عني ديما حتى لما ازعل منه يجي و يراضيني بس الفترة دي اتغير عليا جدا على ابسط الاسباب بيعملي خناقة كبيرة قوي و بيفضل يزعق و بقاله حوالي اسبوع كده هجر فراش الزوجية و بينام في الصالون و انا في الغرفة وحتى كلمة السلام عليكم لما يشفني او يدخل البيت ماعاد يقولها انا حاسه في حاجه مغيراه نحيتي و لما جيت اساله عن سبب نومه في الصالون قالي مرتاح هنا انا دماغي تعب من كتر التفكير لما افكر ازاي كان بيعاملني بحب و لما اشوف ازاي اصبح احس النار بتشتعل في قلبي انا حيرانه و خايفة من بعده عني اكتر لان هو حب حياتي ارجوكم تساعدوني