"لم تنجبي" أكثر سؤال اصبحت أكرهه

مرحبا أرجو النشر بدون اسم ... طبعآ حابة اعرض مشكلتي اللي انا اشعر فيها بإنزعاج شديد جدآ جدآ انا ابلغ من العمر ٢٢ سنة تزوجت وعمري ١٨ سنةصارلي ٣ سنين متزوجة اول سنة ما صار حمل وثاني سنة صار حمل ٤ مرات ونزلوا وتالت سنة احنا عملنا استراحة كثرة التنزيل خفت اتعب كثير وبلشنا بالسنة الرابعة وكل ما اطلع اتعرض للإحراج الشديد وصرت اتضايق كثير من السؤال اخاف اني بيوم ينفد صبري وأرد جواب مو كويس بوجه أي حد يسألني شو ما حملتي شو لسا ما فيه اشي ع الطريق والله تعبت والله والله تعبت وانا احكي الحمدلله ع كل اشي وع تأخير الخلفة لانه هذا الاشي من رب العالمين وأن مآمنة بقضاء الله وقدره وزوجي عادي مو مزعوج من التأخير ومو عارفة شو اعمل علشان الناس اللي بتسأل وفيه كتير بتعمدوا انه كل ما بيشوفوني بيسألوني مع العلم انه ما فيه اي مشكله لاعندي ولا عند زوجي ارجوكم اعطوني حلول لإني الي فترة ما بحب اطلع من البيت علشان هالسؤال وبعرف انه مشكلتي اكبر من عمري وانه لساتني صغيرة