في بيتنا ما أحد يشعر بالآخر!

انا عمري 18 سنه عندي اخوين واحد عمره33 والثاني 30 كلهم غير متزوجين والوالد غير متزوج انفصل عن الوالده بعمري صغير طبعا الحمدالله مستوي العائله عالي لكن المشكله في جوء العائله لو امرض ولو اتعب ما احد يشعر بالآخر وبابا شغله بشركه وكثير سفراته لخارج للعمل ومايرجع الاالمغرب ويكون تعبان ولايعطيني وجه او يسال عن احوالي حتى مدري اذا يعرف وش عمري اخوي الثاني مع الاسف يعني يسوي اشياء غلط يعني كم مره اخوي لقى معها حشيش يوم خذه منها جلس يهدد بالقتل وكان يصارخ ويهاوش انا طبيعيتي خووووفانه وحسساسه كثير مرات رفع الساطوره على بابا انا اذا بداو يتهاوشون تمسكني رجلي ماقدر اتحرك ماقدر اشوفهم اجلس في غرفتي واصيح ودي انزل واذا نزلت ماتروح صورتهم عن بالي يصير اجلس اتذكر الموقف ويجيني ارق ولاانوم في الليل اخاف انوم ويسوي شى اخوي ولاادري وتنسد نفسي اجلس على هالحاله الارق.تنسد نفسي.مانسى الموقف لمده اسبوعين او اكثر بعدها اكون طبيعيه انا عطووفه كثير وفي نفس الوقت حنونه صرت ازور ماما قبل سنتين يعني بس مع الاسف متزوجه وعنها بنات وعيال وتحبهم اكثر مني لحد يقول هاذي امك كلميه قولي لها انا محتاجه لك محتاجه لحنانك لانه مستحيل اتكلم معها كذا لني احسها غريبه لانها ماعاشت معي ماعاشت الا عشته وطبعا صحيح قبل ماختم عندي اخ ثالث بس توفي الله برحمه وهو عمره 18 سنه في قاعه الاختبار وانا كان عمري 13 سنه كان اجمل اخ لي هو اللي رباني وعلمني معني الحياه لكن ربي قدر ياخذه بدري كانت صدمه لي لني بعد ماسمعت صراخ وصياح نزلت لقيت بابا طايح جاني اخوي الكبير وداني لغرفتي وانا كنت مازلت في صدمتي احسبه بابا كنت افكر وش راح تكون حياتي بعده ولااحد قال لي شى لكن بعدها لقيت كلهم في غرفت اخوي ويصيحون ويبكون فهمت ان اخوي اللي مات لكن الغريب ان مانزلت مني ولادمعه رفضوا ياخذوني معهم للمغسله ولين الحين ندمانه اني مارحت ولاشفته للمره الاخير بعد وفات تغير كل شى صرت كئيبه وماحب اطلع واكون صداقه تكون سطحيه ولكن بعد وفاته 7 سنين صرت كل ماتذكره ابكى ابكى كانه توه متوفي موب من 7 سنين احب اقول اسفه عللى التطويل لكن احب اقول للي بيقرا قصتي يفكر لو انه بمكاني انا محتاجه لحد يسمعني وافضفض لها ساعدووني