أكره أمي وأبي على ما فعلوه بنا

مساء الخير انا فتاة عمري 20سنه حلوه ومهضومه ومحبوبه من الكل بدرس بالجامعه حاليا بسنتي التانيه والحمدلله منيحه بالدراسع ومن فتره صغيره اشتغلت بمجال الإعلام والتصوير طبعا بابا وماما ما بيعرفوا عني شيء نهائيا بس كل اخر سنه او لما يخلصوا مصاري ببعتلهم انه مظلش معي مصاري يمكن من سنتين ما شفتهم لان كل الوقت برات البيت او بلدي الأم وما بعرف ازا هنه مطلقين اصلا او لأ ابدا ابدا ما في اهتمام في ولا لأخي الكبير يلي دايما بحاول انه يخليني اسكن عنده حتى متل ما بحكي اظلني تحت عينه لكون بابا وماما مش سائلين فينا بس لانه متزوج وعنده ولاده يمكن هاد الشي بدايئو وهو على طول بحن علي وبسأل ازا نائصني شي وانه مش راح ازعجه ويلي بده ينزعج ينزعج من سكنتي عنده ... هلا المشكله وين ؟المشكله انه انا كتير بشوف اخوي بعيط وقت بشوفني وبحكي ياريت بابا وماما حسوا فينا وبيسألوا علينا متل ما بيسألوا اهل زوجته عليها وبحكي انه هو بحس حاله منتقص وما بسوى شي وقت ينسأل عن بابا وماما ، بالنسبه لإلي انا تاقلمت على عدم وجودهم بحياتي واخده قرار انه مش راح ارتبط بحدا حتى ما اكون متل ماما ما بتعرف شيء عن ولادها واذا هنه مريضين ولا ماتوا ولا شو صاير عليهم انا نشفوا مشاعري واحاسيسي بسببها ومو ناويه اسامحها ولو كانت مسامحتي إلها راح تاخدها من النار للجنه مش راح اسامحهم الإثنين انا بكرهم لانهم لما بنحكي معهم ما بيسمعونا ولا بفهمونا وع طول صريخ وعياط والله الحياة مش مصاري والله والله ... شو فائدة المصاري بلا حنيه وحب انا مو ناكره لمعروفهم بس مش هيك عدم المبالاة مش هيك والله مش هيك