زوجي وأهله سبب تعاستي كيف أتعامل معهم؟

السلام عليكم انا حابه اعرض مشكلتي عليكم علشان تساعدوني في حلها اولا مشكلتي دلوقتي متعدده مع زوجي واهل زوجي اولا زوجي انسان متقلب المزاج ودايما يدور علي نفسه ومش بيشغل نفسه انا عاوزه ايه وهو مسافر بالخارج ولما رجع اجازته كان شايل مني قوي الحكايه طويله بس جوزي مش بيصفي بسرعه ابدا ولا بيسامح بسهوله ممكن مشكله من اول جوازنا يفضل مضايق نفسه اربع سنين بعدها وطبعه صعب اوي وانا بحاول اتقي الله فيه واريحه علي قد مقدر مع انه مش بيقدر حاجه وهو عمل مشكله كبيره راح اشتكي لاهله مني وقال عليا كلام مش كويس بيقول بعلي صوتي وبرد الكلمه بكلمتها مع اني متلا ابني تعبان وسخن وفاضل اربع ساعات علي ميعاد الدكتور يقولي سيبيه سخن لحد موديه للدكتور قولتلو نديلو مسكن الاول لحسن السخونيه ضرر عليه قالي يا حستي علي طوله اللسان والرد وفي مواضيع كتيره جدا زي دي انا نفسيتي ساؤت كتير لانو اتكلم بالسوء قدام اهله واكاد في نفسي اني مش قادره اسامحه علي النقطه دي اما الشق الاخر معاملتي مع اهل زوجي واحنا بيت عيله وطبعا حماتي سخنت عليا واتخانقت معايا علشان اكل ابني مع انو تعبان وكان زوره واجعهورديت عليها بمنتهي الاحترام وكمان كلمتها بالراحه وقلتلها كتر خيرك انك مهتمه بيه بس هو تعبان حاكله ازاي وهو رافض كده يومين ويعرف ياكل والمهم لقيت سلفتي قالتلي بعدها عاوزه اقعد معاكي شويه وقالي انتي اهلك عزلييين وبعدين بتقولي ان لما حد ياخد فكره وحشه عنك لازم تغيريها لاني قبلها قولتلها انا مش بزعل من كلام ماما يعني قالتلي لءه لما حد واخد عنك فكره كده لازم تغيريها وبتقولي انتي طيبه قوي وعلي فكره دا مش كويس حتي مع العيال انتي طيبه معاهم انتي حتعملي ايه لما ترجعي من الاجازه انشفي علي العيال ايه رايكو يا جماعه في كلام سلفتي ده ده كلام طبيعي وليها حق تقولو وطلعت حماتي متكلم معاها عليا ولما سلفتي لقتني زعلانه فالتلي خلاص كل واحد يخليه في حالو والي عاجبو عاجبو والي مش عاجبه خليهم في حالهم وانا مكنتش عارفه ان جوزي متكلم عليا وبعد كلامها عرفت واهلي لما عرفو وخاصه انهم كانو يقفو مع جوزي مع انو غلطان في حقي وضربني مره من غير سببب وهو قبل ميمس راح شكيله كلام كلو تلاكيك ومش بيطلع نفسه غلطان وامي لمت الموضوع بعد معرفت انو اتكلم عليا بالسوء لاهله وكلةم سلفتي راحت لامه وقالتلها انا بنتي مش من الشارع معامله بالمعروف اوتسربح باحسان وكانت طبعا متعصبه وهي بتتكلم واخت جوزي زعقت هيا كمان وشدو مع بعض والموضوع وصل للطلاق ودلوقتي اخت زوجي وسلفتي وحماتي عاملين ربطيا عليا وعاملين يحبو ويشكروا في بعض وفي سلفتي طبعا واخت جوزي كانت مستلماني بمنشورات كلها شتيمه عليا وعلي اهلي وحماتي علطول بتفارن بيني وبين سلفتي ولما تعوزني اعمل حاجه تفولي فلانه بتعمل وتقول لجوزي وتشكر غي سلفتي قدام زوجي وانا والله العظيم بعاملهم علي قد مقدر كويس جدا وعمري مغلط باحد يا ريت تساعدوني ازاي اتعامل معاهم وتصرف سلفتي ده صح ولا اي.......واتعامل معاهم ازاي مع العلم اني بكلمهم كلهم كل فتره ولم ارد علي منشورات اخت زوجي.....وبكلم والدته مره كل اسبوع ولا حاجه لاني متغربه انا نفسيتي تعبت اني حرجع بعد شهور مصر ببيت العيله والجميع متحالف ضدي وانا انسانه طيبه لا اجيد المكر ولا التعامل بخبث اتعامل مع اهل زوجي وسلفتي ازاي اما زوجي فانا احاول ان اسامحه واتقي الله فيه ولكني من داخلي تغيرت من ناحيته لانه سبب هذا البركان