منشور على فيسبوك فسخ خطوبتنا لكنني متمسكة به

انا وخطيبي كنا بنحب بعض جدا وسبنا بعض بعد 3 سنين خطوبة وقبل الفرح ب 3 شهورانا كان عندي مشكلة ومعترفة بيها اني كنت كل حاجة بدخل اهلي وكل مشكلة اقوله نسيب بعض وهو كان كويس جدا وبيستحملني بس هو كمان مكانش صريح خالص معايا ولا عمره اتكلم وقالي ان فيه حاجة مضايقاه مني او فيه مشكلة بسببيالفترة الاخيرة حصلت مشاكل اللي بتحصل قبل الفرح وكان عنده مشكلة في شغله فكان مضغوط من كل ناحيةبدا يتغير معايا جدا واسلوبه بقى غريب وبقى بيقعد بالاسبوع و 10 ايام معرفش عنه اي حاجة ولو كلمته ميردش عليابابا جابه واتكلم معاه واتصالحنا وفضلنا بعدها تقريبا 5 ايام بنتكلم كويس جدا .. لحد ما شدينا مع بعض بسبب حاجة تافهة اوي ونمنا زعلانين .. وكالعادة فضل تقريبا 10 ايام معرفش عنه حاجة بس انا محاولتش اكلمهبعد 10 ايام قلت لبابا يكلم باباه ينهي بقى الموضوع واقنعت بابا وكلم باباه قاله كل شئ نصيببعدها بشوية لقيت مامته بتتصل اللي هو بتحاول تصلح يعني وكدا بس انا كنت رافضة خالص وبعدين قفلت معايافضلوا بعدها 4 او 5 ايام مفيش اي رد ولا خطيبي حاول يكلمني .. ولا قالوا نصلح ولا قالوا نفسخفانا عملت لخطيبي بلوك وكتبت ع الفيسبوك اني سنجل بس كانت شبكته لسه معايا .. المهم جالي كومنتات كتير من ضمنها واحد زميلي كان خطيبي بيتضايق منه اوي والولد دا فضل يستظرف بس انا مسحت الكومنتخطيبي بقى مكانش شايف حاجة بس صحابه اتصلوا بيه قالوله فيه ايه اللي حصل وكدا وبعدين دخل شاف البوست والكومنتات .. تاني يوم بعت واحد طلب شبكتهانا عارفة اني غلطانة واخدت الموضوع عند بس انا بحبه جدا وحاولت اتكلم معاه اكتر من مرة بعد ما دا حصل بس هو رافض تماما .. هو اتكلم معايا كويس وقالي انه مش مبسوط باللي وصلناله وانه عمره ما هينساني بس مش بيفكر اننا ممكن نرجعاحنا كدا بقالنا شهر بالظبط وانا عاوزاه ومتاكدة انه بيحبني .. ينفع احاول معاه تاني ولا كدا خلاص مبقاش ينفع؟