حماتي متسلطة وتتعدى على خصوصياتي

انا تعبت بجد من حماتي لانها متسلطه زياده عن اللزوم وعاوزه الكون كله يمشي بأمرها لو حبيت اروح مكان انا وزوجي بحس اننا بنسرق او بنعمل حاجه غلط ولو عرفت اننا خرجنا منغير ماتعرف ياسلام عالموشح اللي بناخدهعاوزاني على طول عندها ولو روحت بيتي يوم تقولي كفاياكي كده وولادي مش عاوزاني اتحكم في اي حاجه تخصهم ومش عاوزاني اطلب من زوجي حاجه لا مصاريف ولا لبس ولا اي حاجه وبتتصرف في حاجتي منغير اي استإذان يعني مرة اخدت دهبي وباعته علشان كان ليها فلوس عند زوجي وقالتلي انها ماتعرفش حاجه وهو قالي انها هي اللي نزلت باعته وكمان قالتله انه يادوب جاب تمن الدين رغم انه يساوي اكتر منه بكتير وهي بتشتغل وحمايا منفصل عنها وبيبعتلها مصاريف مش سايبها ولا بيقول بتقبض ماليش دعوه بيها وزوجي كمان بيجيبلها اكتر مابيجيب في البيت والمشكله ان الحاجه اللي مش موجوده عندي لما تطلبها بننزل نجيبهالها ونتفاجئ بان عندها منها كتير متخزن ولبس وحاجات بتنقص من ولادي اسألها عليها تقول ماعرفش الاقيها بالصدفه مدياها لولاد بناتها رغم انهم مش محتاجين بتحسسني انها بتعاقب ابنها علشان اتجوز وهو مش بيقدر يتكلم معاها علشان مايزعلهاش ولا انا بقدر اتكلم علشان احتراما ليها وانها في مقام امي ولما زوجي بيزعلها انا بزعل واقوله امك وقدر ظروفها انا عارفه ان اللي هي فيه ده بسبب ان حمايا منفصل عنها ومتجوز وعايش مبسوط وده تاعبها بس المفروض اللي هي عاشته ماتتمناش ان حد تانؤ يعيشه مش تخاف على بناتها من ازواجهم ولما يحصل حاجه بيني وبين زوجي تقوله اتجوز عليها علشان تربيها ومش لما تلاقينا كويسين تألف اي كلام عليا علشان اتخانق مع زوجي ولما اقوله اواجهها باللي بتقوله يقوللي خلاص علشان ماتعمليش مشكله كبري دماغك انا صابره وبفوض امري لله وبسكت بس لحد امتى انا بقيت مريضة ضغط بسبب كل اللي انا فيه دانا لما بجيب لبس جديد بالقسط زوجي يقولي ماتروحيش بيه عندهم علشان مايقولوش جبتلك وماجبتلهمش انا نفسي الاقي حل واعيش زيي زي اي واحده متجوزه ومسئوله من زوجها وليه حرام ليا كل حاجه ومباح ليها ولبناتها اي حاجه انا لسه نازله مع زوجي نجيب طلبات رمضان وجيبنالها معانا روحنا نفرحها لقيناها زعلانه وتقوله انت سايبني وواخد مراتك تجيبلي طلباتي انا امك انا اللي المفروص اروح معاك ووالله وحياة ولادي الفلوس ما كفت طلباتي انا وهي جبتلها هي اللي محتاجاه وانا جبت اد اللي اتبقى من الفلوس وبفكر استلف من مين علشان نكمل طلبات البيتانا اسفه اني طولت بس تعبت ومش لاقيه حد اتكلم معاه ومش عاوزه اشكي لزوجي علشان مايشيلش مني لانها بردو امه اعمل ايه نفسي يبقالي خصوصيه هي وابنها حرين مع بعض بس انا ماليش زنب