بعد أن قرر فسخ الخطوبة أتمناه زوجاً لي

عمري 30 سنة، اتقدملي واحد حسيته محترم ومتربي جداً، بابا سمح لنا نتكلم في التليفون سوا أسبوع نتعرف على شخصيات بعض بعد أول رؤية شرعية، ارتحتله جدا بس وجود فارق في المستوى الاجتماعي قلقني وخوفني، ولأنه شخص مريح جدا جدا وانا انسانة صريحة بطبعي، كنت بقوله كل مخاوفي وقلقي بالضبط، كنت بحكيله كانه صديقي الوحيد فعلا.بعد 15 يوم من يوم ما طلب مني إنه يتقدملي للخطوبة، قرر أنه ميكملش وقالي إنه معجب بيا جدا وعارف انه مش هيلاقي زي بس خايف من بعد الجواز لأشوفه أقل مني، وانا اتصلت اعتذرتله عن كل اللي حصل مني وطبعا هو نهي الموضوع بمنتهي الاخلاق.... الحقيقة إني مقولتلوش إني عندي مشكلة وهي "الخوف من الارتباط" وإني معجبة بيه وبعد ما قرر إنه يبعد انا فعلا بتمناه زوج ليا... أنا مش عارفة ليه عملت كدة وازاي بغلط بالغباء ده