زوجي يعشق أخوه وهو يستغله

انا متزوجة من ٢٥ سنة ودايما في شجار انا وزوجى بسبب اخوه الاكبر منه .زوجي بيحبه جدا لدرجة انه طول ماهو قاعد معايا يكلمنى عنه كأنه يعشقه واخوه لا يبادله نفس الحب اخوة بيستغل حبه ليه وخلاه ياخد قرض وجوزى بيدفعه لمدة خمس سنين وبرضه بيطلب منه فلوس تانى وبرضه بيديله بالرغم ان زوجى موظف ولا يملك غير مرتبه واحنا مخنوقين بسبب القرض اللى ١٠٠٠٠٠ جنيه وانا عندي شابين فى الجامعة وجوزى مش عامل حاجة لاولاده اهم حاجة اخوه.بالرغم ان اخوه يمتلك شقتين ومتزوج اتنين وعند ه كافيه وموظف كمان وبيبقض كويس .واحنا قاعدين في سكن ادارى ولانملك شيء غير مرتب زوجى اللي بيدفع منه للبنك كل شهر للقرض.ولسة باقي سنة علي الدفع وبالرغم من كدة اخوه بيطلب منه فلوس تانى وبيضحك عليه تانى وهو راضي على كدة .ولما اتكلمت معاه علشان ولاده مش عملهم حاجة خالص قالي دة اخويا وهتنازله عن كل حاجة وانتى مالكيش حاجة عندى.وهجرنى بقاله شهر .ارجوكوا اعمل ايه