مشكلتي اسئلة الناس

مضايقة كتير من المجتمع والناس ..وين ما تروحي اول سؤال بيسالوكي هوي شو ما في شي جديد ؟ يلا بدنا نجوزك . انا مش مشكلتي انو بعدني ما تزوجت هيدا قدر الله بس مشكلتي هني اهلي والناس لي حواليي ورفقاتي كل الوقت نظراتن قلي انو شو خبرينا شي جديد صاير معك بخصوص العرسان حتى وصلت لمرحلة انا اضطريت اخترع قصص ما صارت معي بس لسكت العالم وقلن انو عم يتقدملي حدا وانا عم برفض معأنو ما في شي من هيدا كلو اكتر شي بيقهرني لما امي بتجي بدا تاخدني معا عكل عرس ما بعرف حدا في بس كرمال تعرضني للناس وكل مرة كنا نتخانق عهيدا الموضوع وصلت هلق لمرحلة انو ما بقى بدي اتجوز وشلت الفكرة كلا من راسي هيك احسن قطعت الامل بالزواج لحتى ما يضل عندي طرف خيط اتعلق فيه وانفقس وما يمشي الحال