كيف تعرف أن الطلاق هو القرار الصحيح

السلام عليكم كيف تعرف أن الطلاق هو القرار الصحيح انا يا جماعة الخير اعاني من زوجتي اعاني منها كثير لدرجة اني ماني قادر اتحملها والشئ الوحيد اللي مصبرني عليها اني احبها ومتعود عليها وانا مب سهل ارتاح لشخص واتعود عليه لكن طابت نفسي خلاص ما عاد اقدر اتحمل اكثر من كذا جربت معها كل الطرق لكن ما نفعت لدرجة اني الان اكتب وانا مكتوم ومكبوت حتى ان لي ثلاث ايام هاجرها ابيها تحس بس ما فيه امل

الشك ذابحها تشك فيني بشكل جارح هي الصح وانا دايم الغلط واذا فتشت واكتتشفت انها غلطانه تحلف اني خبيته عشان ما تشوفه والمصيبة اني اشتغل انا وهي بمستشفى واحد دايم تفشلني قدام زملائي تجي تشوف انا مع مين وش قاعد اسوي واذا شافت معي دكتورة تهددها انها تبعد عني وتقولي لا عاد تكلمها ترا هي ما تستحي وتقذفها وتسبها عشان اكرها صارو ينفرون مني ما اقدر اتعامل مع دكتورة نهائي بسبب لسانها اللي اكلهم حتى يستأذنون مني قبل اشاركهم العملية او بحث لانهم يخافون تزعل وبرضو تجي بشرها وتسمعهم كلام زي السم

اذا قالو لي وواجهتها بالكلام ما تنكر تقول ايه انا قلت وقبل 3 شهور قدمت نقل لمستشفى ثاني عشان ابعد عنها وتم قبولي جتني بعدها قالت ترا قدمت اوراقي ع المستشفى اللي انت فيه بدون اذني وبدون مشورتي انا تعبت وحامت كبدي منها ي تعطوني حل يشفي حالتي ولا الطلاق اقرب حل في ذهني حاليا ولا تقولون اكيد صار موقف فقدت ثقتها فيني لان عمرها ما قد شافت مني العيب نهائيا