هل اقبل أن اعيش بالريف مع خطيبي وأنسى عيشة المدينة؟

السلام عليكم ورحمة الله وبركاتة انا عاجزة عن الشكر للدكتورة سناء عبدة على اهتمام حضرتك بمشكلتى وسعة صدرك حقيقى لكن دكتورة سناء انا اعيش ايام لايعلم بها إلا ربى سبحانة واحتاج اللى زى حضرتك يكون ناصح امين لى كل اللى مضايقنى وحازز فى نفسي تصرفة فى انة يلغى الشقة ويوضب فى بيتة فى الأرياف بالرغم من انى ماكدة علية وقايلالة فى بداية الارتباط يمكن من قبل قراية الفاتحة كمان انى معشتش فى الأرياف قبل كدة ومش عايزة اعيش والنقطة دى بالنسبة لى خط احمر وبالرغم من كدة ضرب بكلامى عرض الحائط وباتفاقتنا وقراية الفاتحة وعمل كدة حتى انا جيت قلتلة لو فى ظروف والفلوس معاك اتصرفت خلينا نقلل فى اى حاجة تانية من تجهيز البيت لكن بلاش الإقامة وهو رفض رفضا باتا واصرارة وتصميمة الغير عادى على النقطة دى هو اللى مخلينى انا كمان اعند وموافقش على الوضع اللى حاططنى فية وكمان فى حاجة عرفتها أن لية اخت كانت ربنا يحفظنا جميعا لابسها جن وربنا عافاها الكلام دة اختة نفسها اللى كانت حاكياهولى وان هى ربنا شافاها لكن عندها بصيرة وبتحس قال يعنى باللى بيحصل وبتقولى ليها سلفها لية شاب وبينطب فكل ما يروح لعروسة ياخدها معاة عشان تقولى العروسة دى كويسة ولا لاة واما حكت لى الكلام دة وانا مش عارفة هى بتقولهولى لية افتكرت أن خطيبي دة وهو لية متقدم وبيزورنا كان مصر يجيب اختة دى معاة واحنا قولنالة تعال انت الاول نتعرف عليك وبعدين تجيب الأسرة وفى الزيارة اللى بعدها قولنالة هات الوالد والوالدة بس لقناة جاب اختة دى معاة من غير مانقولة وطبعا بعد ماعرفت الموضوع دة منها ربطت الأحداث ببعضها وعرفت انة بيستشيرها فى كل كبيرة وصغيرة بحجة أن عندها بصيرة وحتقولة اية الصح وفى يوم يادكتورة سناء بعد مااخدنا الشقة لقيتة جايبها معاة بحجة انة قابلها بالصدفة فى المواصلات وقال عايزين نروح نتفرج على الشقة واختى معانا عشان مشافتهاش ومن بعدها يادكتورة سناء وهو عمال يقولى انا غلطان انى اخدت الشقة وحدفع فلوس على الأرض واعلى اولى بيهم وبعدها قالى انا لغيت الشقة عشان اخويا تعب وصرفت علية واختة دى جاتلى الشغل واتكلمنا فى الموضوع دة وقالتلى انا اتخنقت اما دخلت الشقة عرفت انة سمع كلامها اية رأى حضرتك فى موضوع اختة دة يادكتورة سناء وهل لى حق اقلق منها وانهى الموضوع علشانها ولا لاة انا اسفة انى عاملة ازعاج لحضرتك برسايلى كل شوية لكنى وجدت فى حضرتك الناصح الأمين عشان كدة كل اما افتكر حاجة ااقول لحضرتك عليها لانى فى حيرة من امرى لايعلم بها إلا الله وحدة وجزاكى خيرا دكتورة سناء وجعلة فى ميزان حسناتك