خطبتها لتربيتها وأخلاقها العالية وتبين لي عكس ذلك لاحقاً

كنت اكلم بنت وحبيتها لدينها واخلاقها وتربيتها وقررت اخطبها واتزوجها بدون ما اشوفها ولا اعرف هي جميله او لا لأني اختار زوجة تعيش معي طول العمر والجمال مايهم والحمدلله دلتني على بيتهم وخطبتها رسمي وكتب الله نصيب وتزوجتها في البداية اكتشفت انها غير جميلة ابداً وانا شكلي مقبول اكثر منها ولكن انا قررت اني ابيها ومايهمني الجمال وعطيتها كل الحب والاهتمام والامان وكل شي تتمناه البنت ولكن لاحظت منها عدم الاهتمام والجفاف والبرود وشكيت انها تخوني او لها علاقة حب غيري ،،، وحصل لي فرصة يكون جوالها معي وفتحت الواتساب ولقيت مصايب مع شخص تحبه وتكلمه وتفضفض له كل يوم وترسل له صورها شبه عاريه وطلعت معه قبل الزواج وصار بينهم اللي صار . قررت اواجها في مصيبتها وخيانتها وقررت استر عليها واحل المشكلة بس ماحسيت منها ندم كبير وواضح لاني اكتشفت انها تحتفظ بهدايا منه واكتشفت انها تتابع شخص ثاني غيره حب قديم بس منفصلين وتهتم في اخباره في مواقع التواصل الاجتماعي وكل مره اواجها وتخترع الكذب وانا اكون كاشفها والحين مر شهور على الاحداث هذي لكن قلبي مو مرتاح واحس انها تخون بدون ما ادري لاني خسرت الثقه فيها ولانها محترفة كذب ولان السبب الحقيقي اللي تزوجتها عشانه انهدم واللي هو الدين والتربية وزيادة على كذا امي ماتبيها وكارهتها بدون سبب مع العلم ان مافيه احد يعرف عن الموضوع نهائياً محتار اطلق او لا ... مابي اظلمها واحطمها لان يمكن تابت وبنفس الوقت احس ماقدر اكمل معها بدون ثقه واظلم نفسي وحتى احس مابي اجيب عيال منها ابد .