حاولت أتقبل شكل خطيبي لكني لم أستطع فكيف أقنع أهلي بفسخ الخطوبة؟

السلام عليكم صبابا .. حابه احكي معكم بموضوع الصراحه قارهني ومالو مخليني مرتاحه نفسيآ.. الي فتره مخطوبه من شخص ما كنت اعرفه من قبل .. بس حكولي عنو و فرجوني صورته وافقت علي بس لما شفته ع الطبيعه بصراحه ما كان مثل ما كنت متخيلته .. شكله مو عاجبني وانا حاولت كثير احبه و اتقبله بس ما قدرت و كل مره كنت افشل .. وبحس انو ممل الحكي معو وما عندو هالمواصفات الي كنت احلم فيها.. لا هو رومنسي ولا ضحوك ولا مسلي ابدآ.... يعني كل ما اشوفو و احكي معو بزهق حالي . وصرت اقرف منو .. مع انو طييب و قلبه حنون و لهاذ السبب بدي مساعدتكم بدي تعطوني الحل .. حابه افسخ خطبتي بس بخايفه وما بعرف كيف افتح الموضوع مع اهلي و اكيد همي رح يحكولي هاد مانو السبب المقنع لتطلقي منو .. وانا شخصيتي ضعيفه ومو قادره احكيلو ما بدي اياك لانو بحبني وخايفي اكسر قلبه .. والله اقسم بالله حاولت كثييير اني احبه بس ما قدرت والله حاسه حالي عايشه بس بنفس الوقت ميته .. انحرمت من الحب واني اجوز واحد ما بحبه .. يا ربي بدي مساعدتكم و تحكولي كيف اعمل لحتى اطلق