المنشورات على فيسبوك أشعلت الخلافات مع خطيبتي

انا خطبت بنت كويسة جدا مودبة ومحترمة وكويسة جدا ودى اول مرة اخطب فيها وحبتها جدا جدا ومش متخيل ابدا انى اقدر اعيش من غيرها واتفقنا على سنتين خطوبة السنة الاول عدت عليا بمشاكلها بحلوها ووحشها وعمرنا ما تخيلنا نسيب بعض ابدا فى شهر ٤ اللى فى بالظبط يوم ٤/٨ اتوفا ولدى وكنت لازم انزل احضر العزاء عشان انا كبير اخواتى ونزلت اجازة كنت فى وضع صعب اوى ومكنتش متخيل انى ولدى يتوفا ويسبنا فى العزاء وقبل كدة وبعد العزاء خطيبتى واهلها وبالاخص والدها واقفين معايا بعد شهر جة معاد السفر ومقدرتش اسافر عشان كان لسة فى مشاكل فى البيت مخلصتش ومشاكل كتير اجلت السفر أول مرة قولت لولدها ومكنش فى مشكلة تانى مرة مقولتش لحد غير خطيبتى ولدها لما عرف زعل مع الوقت والحالة اللى كنت فيها كنت مصدوم وفى عيبوبة مشاكلى كترت مع خطيبتى الفترة دة مرة عشان فلوس العفش والجهاز ومكنتش عارف بقول اية ومرة عشان شافتنى واقف مع بنت جارتى وهيا الناس دول مش بتحبهم ومرة من اسلوبى وكلامى كان يدايق وكمان ادخلت ناس حريم يعرفونى ويعرفوها وقعوا بنا كتير والكلام كتر اوى فيهم واحدة قالت نفسى الموضوع يتفشكل وبالفعل هيا زهقت وفى رمضان لقتها بتقول كل شى قسمة ونصيب بعدها اتكلمنا ومكنش فى بنا اى مشاكل وكنا كويسين قولتلها نرجع قالت مش وقتة يوم السفر كلمتنى وقالت محتاج اى حاجة قولتلها سلمتك وشكرا حتا بعد السفر كلمتنى واطمنت عليا بعدها بااسبوع بكلمها لقتها متغيرة قولتلها سيبك من كلام الستات بيوقعوا بنا وقعدنا شهر منتكلمش خالص كنت بكتب على الفيس بوك عن حزنى وزعلى حتا نزلت انى اسف ليها ونزلت بوست تانى عن واحدة قربتى كانت السبب فى اللى وصلت لية لانى كنت عاوز اخطبها وبعتنى وشتمت عليها عشان هيا السبب فى اللى انا فية كلامى مكنتش اقصد بية البنت اللى خطبها ونزلت بوست تانى أقارن بين البنت اللى بعتنى زمان وبين خطيبتى دى خطيبتى شافت المنشورين الاول والتانى فكرت انى بقصدها وبشتم عليها اتصلت بيها سمعت صوتى وقفلت وبعتت رسالة بتقول انى بشتم عليها وصورت المنشورين دول قولتلها مش قصدى عليكى مسمعتش ولدها كلمنى وقالى ابعد عنها قولتلة بحبها واعمل المستحيل عشان ارضيها ان شاء اللة ابوس ايدها ورجلها ولدها قال الكلام دة يعيبك قولتلة مش مشكلة انا بحبها وعاوزها معايا وجنبى وبحبها والنبى أقف معايا قالى تهدى وهكلمها بس متحولش تكلمها ولة تبعت حاجة ولة تنزل اى حاجة على الفيس بوك وانا بالفعل سكت وعدى شهر ولحد دلوقتى مفيش جديد انا مش عارف اعمل اية انا بحبها وعاوز اتجوزها وعاوزها ترجعلى ومش لاقى حل حد يقولى اعمل اية عشان ترجعلى اسف للاطالة ياريت الرض عليا ضرورى حتا لو هبوس رجلها لو هدفع فلوس لحد المهم ترجعلى عشان بحبها ومقدرش اعيش من غيرها