عاملتهم بالحسنى لكن قابلوها بالأساءة!

انا زوجة وأم عندى طفلين مش عارفه مشكلتى بدأت منين لكن انا اتزوجت عن حب كان صديقي المقرب من ١١ سنه لكن دايما كان بيتحكم فى فلوسي وانا كنت يعتبرها حماية وانا فعلا كنت بحبه جدا من كل قلبي عمرى ماحاسبته انت بشتغل طبعا كان بيصرف كتير على أهله وصرف على جواز اخوه مع ان ابوه وأمه دفعوا كل الي معهم على اخوه وهو كمل وبسبب ظروف الشغل والحياة اهلة عاشوا معانا علشان الولاد لكن مع الوقت الحياة بينا بقت بتخرب انا مش حاسه براحتك فى البيت مش صاحبة قرار فى اي حاجه فى الاول كنت بعمل المستحيل علشان ارضيهم اجيب هدايا واكبر دماغى وسيلته براحته يعمل الي عاوزه ويروح مكان ماهو عايز وكنت بثق فيه لاقصى الحدود كل ده علشان يرضوا وطبعا عادي مابيرضاش دايما بينتقدنى باستمرار مش مهتمه بالبيت مش بتعملى مش بتسوى عرضت مليون مره اجيب خادمه لانى مش بعرف اهتم بالبيت غير انى بتعب جدا فى شغلى بيرفض علشان أهله يفضلوا موجودين وكل مره يقولوا نازلين يعمل مشاكل علشان يكسرنى وبخلينى انا الي اطلب يفضلوا لكن من سنه انا اتغيرت جدا مابقتش قادرة اكمل كده مش قادره أعيش فى البيت عاوزه ماروحش وهو طبعا الانتقاد والمعامله السيئه مستمرة مش بسمع كلمه كويسهابدا مهما عملت وكان وظيفته فى الحياة اشتغل واساعدة ويحرق دمى باستمرار المشكلة انى وصلت لمرحله انه لو قال حاجه كويسه مش بقدر استوعبهاوقدام الناس طبعا بيعاملنى كويس وعاوز يسفرنى بس انا عمري مانبسطت معه فى اي حاجه دايما ينكد عليا على أتفه حاجه ويعيارنى بقى بالسفريه كل متفتح بقى مع انى بدفع فَلَو س كتير بس مابقتش قادرة خصوصا بعد ماهددنى بالطلاق وقالى انى مش عجبه وانى شخص عادي لا بحبك ولابكرهك انا مش عارفه اكمل واسكت علشان الولاد بس مش عارفه أتقبل منه اي حاجه لانه بقى باستمرار بيكسرنى بكلامه ويحسسنى انى حد فاشل ومالوش قيمه فى الحياة وجودي زي عدمه