أهل زوجتي يشجعوها على الخطأ وما صدمني هو تصرف والدها

السلام عليكم تحيه طيبه وبعد كل عام وانتم بخير انا شاب متزوج من ٣ سنوات زوجتي البنت الوحيده وباقي أخوتها شباب المشكله تكمن في تدخل اهل البنت في حياتنا الزوجيه حتى على اتفه الامور وزوجتي تنقل ما يحصل بيني وبينها على الدوام رغم تحذيري المتكرر وكل مشكله يقوم اهل زوجتي بإرجاع بنتهم لديهم( بحردوها ) وكل مره بضغط على نفسي وبرجعها وللاسف عندي طفل منها كونها حملت مباشره بعد الزواج عمره الان سنتين ومثل كل ما بتزعل بنتهم بحردوها هاي المره خرجت من شهرين ن دون اذني مباشره طلب الاب الطلاق هاي المره مش قادر اضغط على نفسي ارجعها كرهت الأسلوب هاد منهم رغم اني أتألم الم شديد على ابني واعاني معناه كبيره حسبي الله ونعم الوكيل بس صرلها شهرين حردانه بس هاي المره لا سالت فيها ولا في الولد من كتر ما حسسوني بالمذله كل مره برجعها فيها فقدت الرغبه بالتواصل معهم من اكمن يوم اتصل الاب عشان نتقابل وعلى كلامه خلص بده ينهي وزي ما دخلنا بالمعروف نخرج بالمعروف ونطلق تاني يوم اتقابلنا اتفاجئت انه بطالبني بكل قرش صرفته بنته على البيت كونها معلمه قلتله انا ما معي وكان بدي اله إزا بدكم اتطلقو يكون طلاق مقابل ابراء ما رضي بالحكي ومن يومين وصلني تبليغ من المحكمه برفع قضيه نفقه الها وللولد وللاسف هاي تاني مره بعملوها وبرفعو على قضيه نفقه مثل المره اللي قبليها بس المره اللي قبليها رحت رجعت البنت وسقطت القضيه عني وهاي المره قلبي مش مطاوعني عشان ارجعها لانه اسلوب اهلها كل مره اسلوب مذله بس مشكلتي الولد هاد اللي خانقني خايف يتربى على طباعهم وسلوكهم اسف للاطاله وبتمنى القى عندكم الاجابه