خطيبي يماطل في تحديد موعد العرس

بقول لكم قصتي بأختصار ، انا مملكه من اربع سنوات فتره الملكه طولت

كلمت خطيبي عشان يحدد موعد العرس ، اعطاني موعد انه بالشهر هذا وجاء هالشهر وبدا يماطل ويأجل بالاخير جاني وقال مدري والله متى العرس، للعلم اني جهزت كل شي ، ومافي اي ظرف عشان يأخر الزواج لو في ظرف

كان قال ' وانا صرت احس بالملل وصرت ما ارد على مكالمته و فكرت بالطلاق اهون من اني اكون معلقه ، اريد حل عشان احسم الامر هل اطلب الطلاق ، واذا قلت شي يقول اهلي واهلي يعني مافي تقدير لوضعي ، هو الرجال والمفروض يحدد موعد الزوج ' اهله احترمهم لكن مافكروا فيني وهو وياخذ شور اهله بكل شي ' محترمه امه لكن مابيه يظلمني على حساب يرضى اهله بالغلط .

عمري راح وانا انتظر