أحببتها من كل قلبي لكنها...!

السلام عليكم تزوجت قبل عشر سنوات من فتاة احببتها جدا جدا جميلة نضيفه تهتم بنفسها وبالبيت وملتزمه لكنها لا تهتم بي ولم اعترض كنت سعيدا معها استمر زواجنا 4 سنوات انجبت طفله وصار عمرها سنه جاتني قالت لي يافلان انت رجل طيب وخلوق لكن ما احبك وابيك تطلقني قلت ايش السبب قالت كذا ما احبك قلت اجل بوديك لاهلك فتره وفكري بالموضوع وانا شاريك واحبك وابيك لكن اذا ماتبيني ما اغصبك على العيشه معي قالت طيب وديتها وبعد اسبوع كلمتها قالت ما ابي ارجع وبعد شهر جيتها وطلبتها ورفضت واصرت على الطلاق وبعد 6 اشهر طلقت بعد مافشلت كل المحاولات انها ترجع لي حاولت فيها اعرف الاسباب بس ماقالت لي سبب انا ملتزم واعاملها باخلاق حسنه وكل طلباتها مجابه .ومن بعد الطلاق وانا متعب نفسيا ما اقدر اركز في عملي وتفكيري فيها كرهت النساء ولا ارغب في الزواج من غيرها حاولو اهلي ان اتزوج ورفضت .تزوجت هي بعدي واستمر زواجها 6 سنوات وتطلقت رجعت اخطبها مره ثانيه ورفضتني وثالثه ورفضت قبل ايام اخبرت انها خطبت وقريبا بيعقد قرانها ممازادني الم وتعب افكر ليش تركتني بالرغم اني ملتزم وماجرحتها ولا بكلمه تفكيري ليش تركتني بدون سبب بيقتلني ابي لو سبب واحد مالقيت كلما ارى طفلتي اتذكرها تشبهها وكانها نسخة منها بالشكل وحتى بالاطباع افكر اهرب مكان بعيد ما اسمع عنها شي ومااشوف بنتي ولا ابي اتذكر شيء هل ما اعانيه له حل ؟شاكر لكم .