تعبت من أسئلة أمي وأبي على كل كبيرة وصغيرة

السلام عليكم انا جامعيه قبل هالمرة ارسلت لكم بأن امي تسألني هل اكلتي؟ وهل جلستي مع صديقاتك ؟ ومن هالاسئله هذه مع ان صديقاتي كل وحده بقسم لحال ووحده منهم معاي بس مدري كيف افهم كم احسها احياناً تبيني وأحياناً لا -بليز لاتقولن لي لاتتهومين لأنني متاكده-المهم اني بالفتره الاخيرة بديت اكذب عليها يعني اقولها اَي اكلت اَي جلست مع صديقاتي وانا اكذب بس مشان تفكني من أسئلتها والله تعبت من أسئلتها تزيدني فوق الهم همين وانا مو ناقصه أبداً بس حست وشكت اني اكذب عليها يعني والله حتى انا مو عاجبني هالوضع مدري شسوي كل مره احاول ابني صدقات جديده افشل مع انني اهتم بنفسي وبنظافتي وبمظهري الخارجي وابادر دائماً ؟؟ يعني حتى لو أبقى وحيده ماراح افتك من اسئله امي وأبوي مايخلوني على راحتي أبداً يسئولني عن تفاصيل يومي بالجامعه وإذا كذبت كشفوني !! يعني والله مدري شقول!